विदर्भातील या जिल्ह्यात डॉक्टर विकत होता कोरोनाची लस...मग

यवतमाळ : कोरोना लस व गुद्‌द्‌वार कर्करोगाची भीती दाखवून उपचाराच्या नावाखाली बेकायदेशीररीत्या चालणाऱ्या वैद्यकीय व्यवसायाचा भंडाफोड करण्यात आला. जनतेच्या आरोग्याशी खेळणाऱ्या बोगस डॉक्‍टरविरुद्ध वसंतनगर पोलिस ठाण्यात गुन्हा नोंदविण्यात आला. 

परिमल चित्तरंजन मुजुमदार उर्फ बंगाली (वय 40, रा. वसंतनगर) असे बोगस डॉक्‍टरचे नाव आहे. जनमानसात सध्या कोरोना विषाणूच्या संसर्गामुळे भीतीचे वातावरण निर्माण झाले आहे. खासगी दवाखाने बंद असल्याचा फायदा बोगस डॉक्‍टरकडून घेतला जात होता. या प्रकरणाची चौकशी जिल्हा शल्यचिकित्स्कांनी केली. परिमल मुजुमदार हा कोरोना लस विक्रीसह गुद्‌द्‌वाराच्या कर्करोगाच्या उपचारासाठी गरजूंकडून तीस ते चाळीस हजार रुपये उकळत होता. विशेष म्हणजे त्याच्याकडे वैद्यकीय व्यवसायाची कोणतीही पदवी नाही.

- पोलिस वाहनाने महिलेला घरी सोडण्यासाठी निघाले; मात्र, रानडुक्‍कर आडवे आले अन्‌...

बंगाली डॉक्‍टरविरुद्ध गुन्हा 
राजरोसपणे संचारबंदी आदेशाचे उल्लंघन करून रुग्णांवर उपचार सुरू होते. ग्रामीण व शहरी भागातील लोकांच्या आरोग्याशी एकप्रकारे त्याने खेळच चालविला होता. या प्रकरणी पोलिस निरीक्षक यांनी वसंतनगर पोलिस ठाण्यात तक्रार दिली. त्यावरून परिमल मुजुमदार याच्याविरुद्ध गुन्हा नोंदविला.