Gadchiroli News
esakal
गडचिरोली: शहराच्या मध्यवर्ती भागातील जिल्हा महिला व बाल रुग्णालयासमोरील मोकळ्या जागेवर अतिक्रमणधारकांनी पुन्हा कब्जा केला असून, परिस्थिती गंभीर बनली आहे. काही व्यावसायिकांनी टिनपत्र्यांचे शेड उभारून आणि विटांचे बांधकाम करून पक्की दुकाने थाटली. रुग्णालयासारख्या अत्यंत संवेदनशील ठिकाणी होत असलेल्या या अतिक्रमणाकडे नगर परिषद व महसूल प्रशासन दुर्लक्ष करत असल्याने नागरिकांमध्ये संताप आहे.