धान उत्पादकांना सातशे रुपये बोनस द्या; नरेंद्र भोंडेकर यांची मुख्यमंत्र्यांकडे मागणी | Sakal
sakal

बोलून बातमी शोधा

Give bonus of seven hundred rupees to farmers Narendra Bhondekar demand to CM Eknath Shinde

धान उत्पादकांना सातशे रुपये बोनस द्या; नरेंद्र भोंडेकर यांची मुख्यमंत्र्यांकडे मागणी

भंडारा : पूर्व विदर्भातील भंडारा, गोंदिया, चंद्रपूर, गडचिरोली, नागपूर, वर्धा या जिल्ह्यांमध्ये धानाचे उत्पादन घेतले जाते. येथील शेतकऱ्यांना ७०० रुपये प्रतिक्विंटल धानाला बोनस देण्यात यावे, अशी मागणी आमदार नरेंद्र भोंडेकर यांनी मुख्यमंत्री एकनाथ शिंदे यांच्याकडे केली. धान पिकाला उत्पादन खर्चावर आधारित भाव मिळत नसल्यामुळे पूर्व विदर्भातील धान उत्पादक शेतकरी आर्थिक संकटात सापडला आहे. बियाणे, खते, औषधी यांच्या वाढलेल्या किमती, मजुरी खर्चात झालेली वाढ, डिझेलचे वाढलेले दर यामुळे धान पिकाच्या लागवड खर्चात वाढ झालेली आहे. त्या तुलनेत केंद्र सरकारने प्रतिक्विंटल १९४० रुपये जाहीर केलेला हमीभाव अत्यल्प आहे.

याशिवाय कधी ओला दुष्काळ, तर कधी कोरडा दुष्काळ या नैसर्गिक आपत्तीचा सामनासुद्धा शेतकऱ्यांना करावा लागतो. या सर्व अडचणी लक्षात घेऊन केंद्र सरकारने २०० रुपये, राज्य सरकारने ५०० रुपये असा ७०० रुपये प्रतिक्विंटल बोनस देण्याचा निर्णय घेतला होता. राज्यातील आघाडी सरकारने २०२२-२२ च्या खरीप हंगामात बोनस बंद केला. यामुळे धान उत्पादक शेतकरी अडचणीत सापडला असून शासनाच्या या निर्णयामुळे शेतकरी वर्गात असंतोष आहे. तरीपण या खरीप हंगामातील बोनस शेतकऱ्यांना देण्यात यावा तसेच २०२२-२३ या खरीप हंगाम पासून नियमित ७०० रुपये बोनस देण्याची मागणी आमदार भोंडेकर यांनी मुख्यमंत्र्यांकडे केली. आढावा घेऊन शेतकरीहिताचा निर्णय घेण्यात येईल, असे आश्वासन मुख्यमंत्र्यांनी दिल्याचे आमदार भोंडेकर यांनी सांगितले.

Web Title: Give Bonus Of Seven Hundred Rupees To Farmers Narendra Bhondekar Demand To Cm Eknath Shinde

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..