राजुरा : सायंकाळी पाच वाजताच्या सुमारास अचानक आलेल्या विजेच्या गळगळाटासह पावसात बकऱ्या चारत असलेल्या सोंडो येथील शेतकरी वासुदेव पोचण्णा जिटापेन्नेवार यांच्या जवळ असलेल्या बकऱ्याच्या कळपावर ५:३० वाजता वीज पडली असता यात वासुदेव जिटापेन्नेवार यांच्या बावीस बकऱ्या, देवराव अरके यांची एक बकरी व मनोज मेनगीनवार यांच्या दोन बकऱ्या जागीच ठार झाला तर पाच बकऱ्या जखमी झाल्या असून बकऱ्या चारणार वासुदेव जिटापेन्नेवार हा थोडक्यात बचावल्याची घटना उघडकीस आली आहे.
प्राप्त माहितीनुसार राजुरा तालुक्यातील सोंडो येथील शेतकरी वासुदेव पोचण्णा जिटापेन्नेवार हे गावालगत असलेल्या आपल्या शेतात बकऱ्या चारण्यास गेले होते. जवळपास 4 वाजताच्या सुमारास वातावरण अचानक बदलले व पावसाला सुरूवात झाली. काही वेळातच गारपीट सुरू झाल्याने वासुदेव शेतातच अडकून पडल्याने गारांपासून आधार घेतला असताना नेमक्या त्याच वेळी अचानकपणे ढगांचा गडगडाट होऊन शेतात विज कोसळली. वीज कोसळल्यामुळे वासुदेव जिटापेन्नेवार ह्यांच्या 22 बकऱ्या, देवराव अरके यांची एक बकरी व मनोज मेनगीनवार यांच्या दोन बकऱ्या जागीच ठार झाला यात शेतमालक वासुदेव जिटापेन्नेवार देखील विजेचा फटका बसल्याने ते सुद्धा खालि कोसळले, यात शेतकऱ्यांचे मोठ्या प्रमाणात नुकसान झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.