नागपूर : अकोला, यवतमाळ, अमरावती, बुलडाणा, वाशीम जिल्ह्यातील मनोरा, पारवा तालुक्यात पावसाने शुक्रवारी (ता.२९) रोजी जोरदार हजेरी लावली आहे. अरुणावती प्रकल्पाचे अकरा दरवाजे उघडल्यामुळे अरुणावती नदीला पूर आला आहे. यामुळे यवतमाळ येथील आर्णीतील मोमीनपूरा, प्रकाश नगरातील घरात पूराचे पाणी शिरले आहे. त्यामुळे पूरग्रस्त कुटुंबीयांना नगरपालिकेच्या शाळेत आसरा घ्यावा लागला आहे.