अमरावती : एका खासगी रुग्णालयात काम करून तेथील आर्थिक व्यवहार सांभाळणाऱ्या नोकरानेच जवळपास २ लाख ३५ हजार रुपये एवढ्या रकमेचा अपहार करून आपली फसवणूक केली. असा आरोप करण्यात आला. त्या आधारे कोतवाली ठाण्यात अपहाराचा गुन्हा दाखल करण्यात आला..राहुल पांडुरंग सवई (वय ३२, रा. केडियानगर, अमरावती), असे अपहार करणाऱ्या संशयिताचे नाव असून, त्याच्याविरुद्ध कोतवाली पोलिसांनी गुन्हा नोंदविला आहे. स्नेहल सतीश डहाके (वय ३९, रा. जोगळेकर प्लॉट, रुक्मिणीनगर) यांच्या तक्रारीवरून सदर गुन्हा दाखल झालेला आहे..सदर महिलेच्या मालकीचे शहरात एक खासगी रुग्णालय व त्याच ठिकाणी एक मेडिकल स्टोअरसुद्धा सुरू आहे. त्यांच्याकडे आठ वर्षांपासून संशयित राहुल सवई हा नोकरी करीत होता. मेडिकलचा आर्थिक व्यवहार तोच सांभाळत होता..होलसेल विक्रेत्याला त्याचे पेमेंट देण्याचे कामही त्याच्याकडे होते. सदर महिलेने संशयित राहुल सवई याला हिशेब विचारला असता, त्याची तारांबळ उडाली. काउंटरच्या चावीसुद्धा तो देण्याकरिता कुचराई करीत होता. महिलेने चावी घेतली असता, त्यात दोन दिवसांच्या ४० हजारांची रक्कम बेपत्ता दिसली..चॅम्पियन्स ट्रॉफी विजेत्या संघाला पांढर ब्लेझर का देतात? अन् काय आहे पांढऱ्या रंगाचे महत्व? .त्याच्याकडे पैशाची मागणी केली असता तो मेडिकलमध्ये आलाच नाही. होलसेल विक्रेत्याने संशयित सवईशी संपर्क साधला असता त्याने फोनही स्वीचऑफ केला होता. त्याने २ लाख ३५ हजार २४७ रुपये एवढ्या रकमेचा आर्थिक अपहार करून आपली फसवणूक केली, असा आरोप स्नेहल डहाके यांनी तक्रारीत केला आहे. शहर कोतवाली पोलिसांनी राहुल पांडुरंग सवईविरुद्ध आर्थिक अपहारप्रकरणी गुन्हा दाखल केला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
