पिंपळगाव सराई (जि.बुलडाणा) : जिल्ह्यात गेल्या 46 दिवसांपासून दारूबंदी असल्यामुळे दारूड्याची मोठी पंचाईत झाली होती. अनेकांनी व्यसन कमी होईल असा निष्कर्ष वर्तविला होता तर अनेकांनी गावठीचा आधार व्यसन केले होते.
जिल्ह्यात गेल्या दोन दिवसापासून दारू विक्रीला परवानगी मिळाली असून, दारूड्याची पुन्हा एकदा अंगात फिनफिनली असल्याचे दिसून येत आहे. याच दारूच्या नशेत बुलडाणा तालुक्यातील सातगाव भुसारी येथील एका दारुड्याने वृद्धेला पतीसह शिवीगाळ करत जमिनीवर आदळल्याची घटना 7 मे ला घडली. यामध्ये वृद्धेचा मृत्यू तर पती जखमी झाला आहे.
रायपूर पोलिस स्टेशनअंतर्गत येत असलेल्या सातगाव भुसारी येथे 7 एप्रिलला 80 वर्षीय सरस्वती भालेराव या वृद्ध महिलेने आरोपी अनिकेत विनोद चौथमल (वय 21, रा. सातगाव भुसारी) हा वृद्ध पती- पत्नीला दारूच्या नशेत तर्रर होऊन शिवीगाळ करत होता. त्यामुळे मृतक महिलेने त्याला तू आम्हाला शिवीगाळ का करतो आहे असे विचारले असता अनिकेत याने वृद्ध महिलेसह तिच्या पतीला हाताने उचलून जमिनीवर आपटले.
यामुळे घटनास्थळीच गंभीर जखमी झाल्यामुळे महिलेचा मृत्यू झाला तर वृद्ध पतीसुद्धा यामध्ये गंभीर जखमी झाला. याप्रकरणी मृतकाची मुलगी शंकुतला ठोंबरे यांनी घटनेची तक्रार रायपूर पोलिस स्टेशनला दिली आहे. यावरून ठाणेदार सुभाष दुधाळ यांनी घटनास्थळावर जाऊन पाहणी केली. याप्रकरणी तपास अधिकारी पोलिस उपनिरीक्षक योगेंद्र मोरे व अमोल गवई यांनी पंचनामा करुण आरोपी अनिकेत चौथमल याच्यावर रायपूर पोलिस स्टेशनला गुन्हा दाखल करुण अटक केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
