नागपूर : आधुनिक तंत्रज्ञानात खादी निर्मितीचे आव्हान स्वीकारत वर्ध्याच्या गांधीवादी मगन संग्रहालय समितीने देशी कापसापासून निर्मित कापडाला नैसर्गिक रंगाची रंगत आणली आहे. देशी कापसाच्या धाग्याचे तंत्रज्ञान विकसित करून वेगळेपण जपत खादीतून टी-शर्ट निर्मितीचा प्रयोग संशोधनाअंती यशस्वी ठरल्याने खादीचे रूपच बदललेले आहे. देशातील हा पहिलावहिला प्रयोग ठरला आहे.