शेलसूर: ऐतिहासिक करवंड महोत्सवाच्या तयारीला वेग आला असून बुधवार (ता. १) तहसील कार्यालय महोत्सवाच्या तयारीसंदर्भात आढावा बैठकी घेण्यात आली. करवंड महोत्सवात सांस्कृतिक व शिवकालीन अस्मितेचा जागर व्हावा, असा सूर बैठकीत निघाला. .यावेळी महोत्सव समितीचे अध्यक्ष अरविंद देशमुख, नगराध्यक्ष पंडितराव देशमुख, उपविभागीय अधिकारी शरद पाटील, तहसीलदार विजय सवडे, नायब तहसीलदार मुरलीधर गायकवाड यांचेसह विविध विभागाचे अधिकाऱ्यांची उपस्थिती होती..Buldhana road accident news: नांदुरा-जळगाव जामोद महामार्गावर दोन दुचाकींची भीषण धडक; २१ वर्षीय युवक ठार, तिघे गंभीर जखमी.करवंडची भूमी ही छत्रपती शिवाजी महाराज यांच्या नावाने आणि पदस्पर्शाने पावन झालेली ऐतिहासिक भूमी आहे. या भूमीतील प्रत्येक कणात शिवकालीन परंपरा, शौर्य आणि स्वाभिमान दडलेला आहे. याच अस्मितेला उजाळा देत महोत्सवाचे आयोजन करण्यात येत असून, स्थानिक कलावंतांना प्रमुख स्थान देत महाराष्ट्राच्या समृद्ध लोकसंस्कृतीचे जतन करण्याचा संकल्प यावेळी करण्यात आला..“करवंड महोत्सव हा केवळ उत्सव नसून शिवरायांच्या विचारांचा जागर आहे. स्थानिक कलावंत, शाहीर, मावळे यांच्या सहभागातून इतिहास जिवंत ठेवण्याचा हा प्रयत्न आहे.” असे यावेळी आ.श्वेता महाले यांनी सांगितले..Akola News: शहरातील ३५ पाण्याच्या टाक्यांची होणार दुरुस्ती; चार झोनमध्ये पाणीपुरवठा व्यवस्थापनाचे नियोजन.बैठकीस गटविकास अधिकारी समाधान वाघ, अस्मिता पवार, ठाणेदार जयसिंग राजपूत, प्राचार्य अण्णासाहेब म्हळासने, प्रा.विजय घ्याळ, सुनील जवंजाळ, संग्राम देशमुख, दिलीप इंगळे, मुकेश पडघान, सुधीर पडघान, अमोल साठे, एकनाथ राजे जाधव,भास्कर आडळकर, प्रकाश चव्हाण, विठ्ठल पिवळ, सुनील करंडे,जगन तारगे,देविदास जाधव, विनोद जाधव,सचिन गरड, रवी इंगळे, विजय देशमुख, श्याम देशमुख शिवा जाधव,रामेश्वर शेडगे, प्रा.सतीश काळे, अच्युतराव रिंढे, देविदास रिंढे कैलास मोरे, भगवान हिवराळे, शेख इसाख ,तसेच विविध राजकीय व सामाजिक पदाधिकारी उपस्थित होते.तसेच या बैठकीस विविध प्रशासकीय अधिकारी, लोकप्रतिनिधी व महोत्सव समितीचे पदाधिकारी उपस्थित होते..महोत्सवाचे दोन दिवसीय नियोजनमहोत्सवाचे दोन दिवसीय नियोजन राहणार असून भव्य शोभायात्रा घोडे, रथ, पालखी, शिवकालीन वेषभूषा, मावळे, लेझीम, ढोल-ताशे, आतिषबाजी, चित्ररथ,शस्त्र व नाणे प्रदर्शन, शाहीर यांचा कार्यक्रम, आणी अन्य सांस्कृतिक कार्यक्रम दोन दिवस भरगच्च सांस्कृतिक कार्यक्रम व छत्रपतींच्या विचार जागरणाने करवंड महोत्सव फुलणार आहे. यावेळी मंडप समिती,सत्कार समिती, सांस्कृतिक समिती, भोजन समिती, सुरक्षा समिती,स्वयंसेवक समिती, प्रसिद्धी समिती व स्वच्छता समिती इत्यादी समित्यांचे गठन करून कार्यक्रम यशस्वी करण्याचा संकल्प करण्यात आला..श्री शिवाजी शिक्षण प्रसारक मंडळाकडून भोजन व्यवस्थाश्री शिवाजी शिक्षण प्रसारक मंडळ व बहुउ्देशीय मंडळ, शेलसूर यांच्या वतीने मोहोत्सवासाठी येणाऱ्या सर्व पाहुणे मंडळीची भोजन व्यवस्थेची जबाबदारी घेत असल्याचे संग्रामभैय्या देशमुख यांनी जाहीर केले. याआगोदरही त्यांनी महोत्सवासाठी एक लक्ष रुपयाची मदत दिली असून मोहोत्सवाच्या यशस्वीतेसाठी श्री शिवाजी शिक्षण प्रसारक मंडळ सर्वोतपरी तयार असल्याचे सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
