Tumsar News : निवडणुकीच्या पेन्डॉलला वादळाचा तडाखा

तुमसर - लोकसभा निवडणुकीसाठी तहसील कार्यालयात मोठा पेन्डॉल उभारण्यात आला होता. आज, दुपारनंतर आलेल्या वादळी वादळी वाऱ्याचा तडाखा बसून संपूर्ण पेन्डॉल धराशायी झाला आहे.

तुमसर येथे दुपारनंतर ढगाळ वातावरण होते. सायंकाळी साडेचारच्या सुमारास वाछळी वारे व मेघगर्जनेसह पावसाने हजेरी लावली. सुमारे अर्धा तासपर्यंत जोरदार वारे सुरू असल्यामुळे निवडणूक कामासाठी उभारलेला मंडप कोसळून त्यावरील ताडपत्री ठिकठिकाणी फाडली.

याच मंडपाखाली कार्यालयात आलेल्या कर्मचाऱ्याचे वाहने ठेवलेले होते. मात्र, यात कोणतीही हानी झाली नाही. वादळ शांत झाल्यावर तातडीने मंडप उभारण्याचे कार्य सुरू करण्यात आले आहे. या वादळामुळे कार्यालयात कोणतेही नुकसान झाले नसल्याची माहिती सूत्रांनी दिली आहे.