Lonar Lake Development: पर्यटकांना मिळणार लोणार सरोवराची वैज्ञानिक व ऐतिहासिक माहिती

लोणार : जगप्रसिद्ध लोणार सरोवराच्या विकासासाठी तयार करण्यात आलेल्या आराखड्यानुसार, महाराष्ट्र पर्यटन विकास महामंडळ (MTDC) अमरावती विभाग अंतर्गत सुरू असलेल्या कामांना आता गती मिळू लागली आहे..या अंतर्गत उभारण्यात येणाऱ्या प्रयोगशाळा व पर्यटन माहिती केंद्राचे काम पूर्ण झाले असून लवकरच त्याचे उद्घाटन होणार आहे. या केंद्रामध्ये पर्यटकांना लोणार सरोवराची वैज्ञानिक व ऐतिहासिक माहिती मिळणार आहे..प्रयोगशाळेमध्ये भूगर्भशास्त्रीय व पर्यावरणीय अभ्यासासाठी आवश्यक त्या सोयी सुविधा उपलब्ध करण्यात आल्या आहेत.लोणार सरोवराच्या संवर्धनासाठी हे पाऊल महत्त्वाचे ठरणार आहे. प्रयोगशाळा कॉन्फरन्स हॉल पर्यटन माहिती केंद्र म्युझियम यांचे बांधकाम पूर्ण झाले असून, लवकरच या सर्व प्रकल्पांचे लोकार्पण होण्याची शक्यता आहे. या सुविधांमुळे पर्यटकांना एकाच ठिकाणी सरोवरांची सर्वच माहिती उपलब्ध होईल. प्रयोगशाळेमध्ये लोणार सरोवरातील खारट पाणी, जमिनीचे रासायनिक गुणधर्म, ज्वालामुखीच्या प्रभावांचे अभ्यास करता येणार आहे. तर कॉन्फरन्स हॉलच्या माध्यमातून संशोधन परिषद, चर्चासत्रे आणि पर्यटनविषयक उपक्रम आयोजिता येणार आहेत..म्युझियममध्ये लोणार सरोवराची निर्मिती, इतिहास, परिसरातील जैवविविधता याची झलक देणारे प्रदर्शन उभारण्यात आले आहे. पर्यटन माहिती केंद्रामार्फत मार्गदर्शन, माहितीपत्रक पर्यटक यांना माहिती दिली जाणार आहे..दुसरीकडे संग्रहालयामध्ये लोणार सरोवराची निर्मिती ज्वालामुखीचा इतिहास पर्यावरणीय वैशिष्ट्ये प्रदर्शन उभारण्यात येत आहे. पर्यटकांना माहितीपूर्ण आणि अनुभवात्मक पर्यटनाची संधी मिळणार आहे. लवकरच प्रकल्प पूर्णत्वास जाऊन पर्यटकांसाठी खुले करण्यात येणार असल्याची माहिती मिळाली लोणार हे जागतिक पर्यटन नकाशावर अधिक ठळकपणे अधोरेखित होईल असा विश्वास व्यक्त केला जात आहे..Fake Currency: धाड परिसरात बनावट नोटा चलनात; पोलिस व बँक प्रशासनाकडून आवाहनः व्यापारी व नागरिकांन सतर्क राहावे .खगोल अभ्यासासाठी तारांगण रिसॉर्टलोणार सरोवराच्या सर्वांगीण विकासासाठी तयार करण्यात आलेल्या आराखड्यातील महत्त्वाचे प्रकल्प असलेले तारांगण रिसॉर्ट आणि संग्रहालय (म्युझियम) सध्या दोन्ही कामे जलद गतीने सुरू आहेत. तारांगण रिसॉर्ट लोणारच्या पर्यटनाला नवे परिमाण देणारे ठरणार आहे. येथील रात्रीचा अंधार आणि आकाशदर्शनासाठी अनुकूल वातावरण लक्षात घेता, रिसॉर्टमध्ये स्टार गेजिंग, खगोल अभ्यास आणि रात्री मुक्कामाची उत्तम सोय करण्यात येणार आहे. खगोलप्रेमींसाठी हे ठिकाण केंद्रबिंदू ठरण्याची शक्यता आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.