तुमसर : अनैतिक संबंधातून मित्राचा खून केल्याची घटना आज, रविवारी सायंकाळी देव्हाडी येथे घडली. अंकुश श्रीमंत साठवणे (वय ३५) असे मृतकाचे नाव असून त्याची पुतणी आकांक्षी साठवणे (वय १५) ही गंभीर जखमी झाली आहे..देव्हाडी येथील अंकुश साठवणे व आरोपी रामेश्वर ऊर्फ मुन्ना बिरणवारे हे जवळचे मित्र होते. अंकुश हा ग्रामपंचायत सदस्य होता. काही महिन्यापूर्वी अंकुश व रामेश्वर यांच्यात पत्नीच्या अनैतिक संबंधावरून वाद झाला. त्यानंतर अंकुश नागपूरला राहण्यासाठी निघून गेला होता. शनिवारी ग्रामपंचायतची मिटींग असल्याने तो गावी आला होता..आज अंकुशच्या वडिलांनी आरोपीला समझोता करण्याकरिता घरी बोलावले. परंतु, घरी येताच आरोपी रामेश्वरने अंकुशवर चाकूने सपासप वार करायला सुरुवात केली. काकाचा बचाव करण्यास पुतणी आकांक्षी धावल्याने तिच्या कमरेला चाकू लागून ती जखमी झाली. त्यानंतर आरोपी घटनास्थळावरून पसार झाला..जखमी अंकुशला उपचाराकरिता तुमसर उपजिल्हा रुग्णालयात आणण्यात आले. मात्र उपचारादरम्यान त्याचा मृत्यू झाला. या घटनेची माहिती तुमसर पोलिसांना देण्यात आली. घटनास्थळी तुमसर पोलिस आले असून आरोपीला शोधण्याकरिता पोलिस पथक रवाना झाले आहेत..Oxygen Cylinder Blast : ऑक्सिजन सिलेंडरच्या स्फोटात एक ठार.या घटनेनंतर देव्हाडी येथे तणावाची स्थिती निर्माण झाली असून पोलिसांचा बंदोबस्त लावला आहे. उपजिल्हा रुग्णालय येथे देव्हाडी येथील नागरिकांनी एकच गर्दी केली होती. मृतक हा ग्रामपंचायत सदस्य असून तो अविवाहित होता. तुमसर पोलिसांनी गुन्हा दाखल केला असून पुढील तपास सुरू आहे.दरम्यान, पोलिसांनी आरोपी मुन्ना बिरणवारे याला ताब्यात घेतल्याची माहिती आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
