चिखलदरा (जि. अमरावती) - धारणी व चिखलदरा या दोन तालुक्यात एप्रिल ते नोव्हेंबर या आठ महिन्यात १०७ बालमृत्यू व चार मातामृत्यू झाल्याची धक्कादायक माहिती पुढे आली आहे. मागील अनेक वर्षांपासून मेळघाटात बालमृत्यू व मातामृत्यू सुरूच आहेत..राज्य व केंद्र शासनामार्फत दरवर्षी कोट्यावधी रुपयांच्या योजना राबविल्या जातात, परंतु त्यानंतरही येथील मृत्यूचे सत्र थांबलेले नाही.आरोग्यासाठी मेळघाटात मोठ्या प्रमाणात निधी खर्च केल्या जातो, परंतु त्याचा फायदा येथील आदिवास बांधवांना होत नसल्याची स्थिती आहे..चिखलदरा व धारणी मिळून अकरा प्राथमिक आरोग्य केंद्र, एक उपजिल्हा रुग्णालय, दोन ग्रामीण रुग्णालय तसेच अनेक ठिकाणी उपकेंद्र आहेत. परंतु मेळघाटातील बालमृत्यू व मातामृत्यू थांबता थांबेना अशी स्थिती आहे. एक एप्रिल ते नोव्हेंबर अखेरपर्यंत १०७ बालमृत्यू व चार माता मृत्यू झाल्याची माहिती पुढे आली आहे. त्यामुळे हे मृत्यूचे तांडव कधी संपणार असा नागरिकांचा सवाल आहे..स्थलांतराने समस्या गंभीरमेळघाटात रोजगार उपलब्ध व्हावा, येथील नागरिकांना शुद्ध पाणी, दळणवळणाच्या सुविधा, चाळीस गावांमध्ये वीज, रस्त्यांचा प्रश्न सोडवावा. त्यामुळे नागरिकांचे जीवनमान सुधारेल. नागरिकांना अजूनही रोजगार मिळत नाही, त्यामुळे स्थलांतर वाढते व त्यातून या समस्या गंभीर होतात..मागच्या वर्षीच्या तुलनेत काही प्राथमिक आरोग्य केंद्रांतर्गत बालमृत्यूचे प्रमाण वाढले आहे. अशा ठिकाणी कोर्टाच्या आदेशानुसार बालरोगतज्ज्ञ व स्त्रीरोग तज्ज्ञ देण्यात यावेत. तज्ज्ञ डॉक्टर या ठिकाणी देण्यात आले तर मेळघाटात आदिवासी बांधवांना आरोग्य सेवा देणे सोयीचे होईल. इतर तालुक्याच्या तुलनेत मेळघाटात बालमृत्यू मोठ्या प्रमाणात आहेत.- बंड्या साने, खोज संस्था..मेळघाटात बालविवाहाचे प्रमाण जास्त आहे. त्यामुळे बालमृत्यू व माता मृत्यूचे हे मुख्य कारण आहे. मेळघाटात ११ प्राथमिक आरोग्य केंद्र असून चार नवीन मंजूर आहेत. एप्रिल पासून १०७ बालमृत्यू व चार मातामृत्यू झाले आहेत.- डॉ. सुरेश असोले, जिल्हा आरोग्य अधिकारी..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
