अमरावती - शहराच्या रवीनगर चौकात नाल्याच्या काठावर एका अल्पवयीन महाविद्यालयीन मुलीवर गुरुवारी चाकूने वार करून तिचा खून करण्यात आल्याची घटना घडल्याने खळबळ उडाली. हल्ल्याचे ठोस कारण समजू शकले नाही..संबंधित युवती एका महाविद्यालयात बीएस्सी प्रथम वर्षाचे शिक्षण घेत होती. आज सकाळी ती नेहमीप्रमाणे दुचाकीने महाविद्यालयात जात होती. तिच्यावर पाळत ठेवून असलेला संशयित आनंद नंदकिशोर भड (वय २२) हा अचानक तिच्या दुचाकीच्या समोर आला. त्याने तिच्याशी काही मिनिटे संवाद साधला. त्यानंतर अचानक तिच्यासोबत झटापट करून चाकूने मुलीच्या गळ्यावर वार केला. यासोबतच त्याने तिच्या पोटात तीन वार केले. त्यानंतर तो तेथून पळून गेला..दरम्यान, गंभीर जखमी मुलीला नागरिकांनी उपचारासाठी नजीकच्या एका रुग्णालयामध्ये दाखल केले. त्यानंतर नातेवाइकांनी तिला इर्विन रुग्णालयामध्ये आणले. डॉक्टरांनी तपासणीअंती मुलीला मृत घोषित केले. फरार हल्लेखोर आनंद भडविरुद्ध खुनाचा गुन्हा दाखल करण्यात आला. संशयित मारेकऱ्याला अटक करण्यासाठी विविध तपास पथके नियुक्त केली आहेत..मुलीची संशयित आनंद भड याच्यासोबत ओळख होती. पंधरा दिवसांपासून तिने आनंदशी बोलणे बंद केले होते. त्यामुळे चिडलेल्या संशयित युवकाने तिला गाठून हत्या केल्याची प्राथमिक माहिती आहे.- श्याम घुगे, पोलिस उपायुक्त, अमरावती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
