कोरोनासह स्वाइन फ्लूचे संकट; २० बाधितांपैकी १६ जण नागपुरातील | Sakal
sakal

बोलून बातमी शोधा

16 patients of swine flu found in nagpur city
कोरोनासह स्वाइन फ्लूचे संकट; २० बाधितांपैकी १६ जण नागपुरातील

कोरोनासह स्वाइन फ्लूचे संकट; २० बाधितांपैकी १६ जण नागपुरातील

नागपूर : नागपुरात कोरोनाची वाढती संख्या धोकादायक असतानाच स्वाइन फ्लूच्या रुग्णांची संख्या हळूहळू वाढत आहे. पूर्व विदर्भात आढळलेल्या २० पैकी १६ स्वाइन फ्लूबाधित नागपुरातील आहेत. स्वाइन फ्लूबाधितांची संख्या वाढत असली तरी रोगप्रतिकारशक्तीच्या जोरावर १२ रुग्णांनी स्वाइन फ्लूवर मात केली. बुधवारी (ता. २७) दिवसभरात शहरातील विविध रुग्णालयांत स्वाइन फ्लूबाधितांची संख्या वाढलेली दिसली. नागपूर विभागात स्वाइन फ्लूबाधितांची संख्या २० वर पोहोचली.

त्यातील तब्बल १६ रुग्ण नागपूरचे आहेत. नवीन रुग्णांमध्ये नागपुरातील ८० वर्षीय तर चंद्रपूर जिल्ह्यातील ६० वर्षीय व्यक्तीचा समावेश आहे. दोघांमध्ये स्वाइन फ्लूसदृश लक्षणे होती. त्यांची प्रकृती खालावत असल्याने रुग्णालयात दाखल करण्यात आले. तपासणीत त्यांना स्वाइन फ्लू असल्याचे निदान झाले. याशिवाय ६ रुग्ण विविध रुग्णालयांत दाखल आहेत. तज्ज्ञ डॉक्टर त्यांच्यावर लक्ष ठेवून आहेत.

स्वाइन फ्लूची लक्षणे
-घशात खवखव
-ताप येणे
-डोके दुखणे
-खोकला
-नाकातून पाणी गळणे

महापालिकेतर्फे विशेष हेल्पलाइन

जनतेने स्वाइन फ्लूला घाबरून जाऊ नये. स्वाइन फ्लूचा ताप साधारण तापासारखा असतो. केवळ काळजी घ्यावी. महापालिकेच्या रुग्णालयात तपासणी केंद्र सुरू करण्यात आले आहेत. स्वाइन फ्लूवर खात्रीशील उपचार आहेत. महापालिकेद्वारे ९१७५४१४३५५ हा हेल्पलाइन क्रमांक सुरू करण्यात आला असून, सकाळी ८ ते रात्री ८ या वेळात संपर्क साधता येईल.

- डॉ. गोवर्धन नवखरे, नोडल अधिकारी, साथरोग विभाग, नागपूर महानगरपालिका.

Web Title: 16 Patients Of Swine Flu Found In Nagpur City

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top