Nagpur Explosion : स्फोटात दीड वर्षांत २६ कामगारांचा मृत्यू; चौकशीतील तांत्रिक फेऱ्याने कंपन्यांचे मालक मोकाट

नागपूर : गेल्या दीड वर्षांपासून चार कंपन्यामध्ये झालेल्या शक्तीशाली स्फोटात २६ कामगारांचा नाहक बळी गेला. तर जवळपास १९ कामगार जखमी झाले. सरकारकडून थातूरमातूर चौकशी करण्यात आली..ही चौकशी तांत्रिक फेऱ्यात अडकल्याने मालक मात्र मोकाट असल्याचे दिसते. रविवारी कोतलवाल बड्डी येथील एशियन फायर वर्क कंपनीच्या स्फोटाने सरकारच्या कामगार धोरणाची लक्तरे पुन्हा वेशीवर टांगल्या गेली..नागपूर जिल्ह्यातील अमरावती महामार्गावर सुमारे ५० बारूद कंपन्या आहेत. यातील काही अवैधही असल्याची चर्चा आहे. गेल्या दीड वर्षांत हिंगणा एमआयडीसी, बाजारगाव, धामणा (झुल्लर) आणि कोलवालबड्डी येथील कंपन्यांत मोठे स्फोट झाले. यात २४ कामगारांचा होरपळून मृत्यू झाला. कोतवाल बड्डी येथील स्फोटात दोन कामगार ठार झाले..गेल्या वर्षी १३ जून २०२४ धामणा येथील चामुंडी एक्सप्लोसिव प्रा.ली. कंपनीत स्फोट झाला. आगीत ९ जणांचा होरपळून मृत्यू झाला होता. धामना आणि परिसरातील तीन गावे शोकसागरात बुडाली होती. तिन्ही कामगारांच्या शरीराचा कोळसा झाला होता. यात काही तरुण महिलांचाही समावेश होता..बाजारगावातील सोलार एक्सप्लोजिव्ह कंपनीत स्फोट होऊन ९ जणांचा मृत्यू झाला. ही घटना १७ डिसेंबर २०२३ रोजी घडली. यात ६ महिला आणि ३ पुरुष कामगारांचा समावेश होता. १२ ऑगस्ट २०२३ रोजी इकॉनॉमिक्स एक्सप्लोझिव्हमध्ये दोन कामगारांचा मृत्यू झाला. येथील हिंगणा एमआयडीसीमधील कटारिया अॅग्रो कंपनीला एप्रिल २०२३ मध्ये भीषण आग लागली. यात चार कामगारांचा मृत्यू व तीन जण गंभीर जखमी झाले होते. यापूर्वीही बारूद कंपन्यांमध्ये आग लागून मोठी जीवितहानी झाली होती. वारंवार अशा घटना घडत असताना शासकीय यंत्रणा मात्र, बघ्याची भूमिका घेत असून साप गेल्यावर लाठी मारण्याचा प्रकार करीत आहे..स्फोटानंतर कंपन्यांची चौकशी केवळ देखावा !कोणत्याही कंपनीमध्ये अपघात झाल्यानंतर एक समितीकडून नाही तर शासनाच्या विविध भागाच्या अधिकाऱ्यांकडून चौकशी करण्यात येते. अपघात कोणत्या कारणांमुळे झाला हे तपासण्यासाठी अधिकारी असतात. पोलिस, उद्योग तांत्रिक विभाग, विद्युत विभाग, महसूल विभाग, औद्योगिक विभाग, एक्सप्लोसिव्ह विभाग, पर्यावरण यासह इतर विभागांचा समावेश असतो. अधिकाऱ्यांनी चौकशी केल्यानंतर अहवाल सादर करून कारवाईची प्रक्रिया होते. ही प्रक्रिया वेळकाढू असल्याने काही दिवसांत नागरिकही घटना विसरून जातात..कामगारांच्या सुविधांकडे दुर्लक्षकोतलवाल बड्डी येथील एशियन फायर वर्क कंपनीच्या स्फोटाने आता कंपनीतील कामगारांच्या सुविधांकडे लक्ष वेधले आहे. येथील कामगारांना साधी शौचालयाची सुविधा नाही. केवळ टीनपत्र्याची ही कंपनी असल्याने उन्हाळ्याच्या दिवसात स्फोटाची भीती असते. तरीही ५० पेक्षा अधिक कामगार येते जीवमुठीत घेऊन काम करीत होते. त्यामुळे या कंपन्यांचे ऑडिट करणारी सरकारी यंत्रणा काय करते असा प्रश्न आहे. केवळ पैसा कमविण्याच्या नादात कामगारांच्या जिवाशी खेळण्याचा प्रकार जिल्ह्यात सुरू आहे..Nagpur Accident : मालवाहू वाहनाखाली दबून आजीसह नातवाचा मृत्यू ; लग्नाच्या वाढदिवसाच्या पार्टीतून परत येत होते.आठ वर्षांत केवळ आठ हजार पगारएशियन फायर वर्क कंपनीत गेल्या आठ वर्षांपासून काही महिला कामगार काम करीत आहेत. त्यांना केवळ आठ हजार रुपये महिन्याचा पगार देण्यात येते. इतर सुविधांचा मात्र, येथे दुष्काळ आहे. भविष्य निर्वाह निधी यासारखे शब्द येथील कामगारांच्या कानावरही नाही. महिलांना सकाळी साडेसहा वाजता कामावर बोलाविले जाते. गावात कामधंदा नसल्याचे नाइलाजाने कामगारवर्ग येथे कामाला येतो. इथे मात्र,त्याचे शोषण होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Nagpur Explosion : स्फोटात दीड वर्षांत २६ कामगारांचा मृत्यू; चौकशीतील तांत्रिक फेऱ्याने कंपन्यांचे मालक मोकाट

Related Stories