एकतर्फी प्रेमातून कुख्यात सचिन चन्नेचा खुनाचा प्रयत्न; सहा जणांना अटक

नागपूर : पांढराबोढी येथे वास्तव्यास असलेल्या तरुणीवर असलेल्या एकतर्फी प्रेमातून वारंवार त्रास देणारा कुख्यात गुंड असलेला सतीश चन्नेवर याच्यावर डोकीरमारे कुटुंबीयांनी हल्ला (Attempted murder) केला. त्याच्यावर चाकूने वार करीत गंभीर जखमी केल्याची घटना मंगळवारी (ता. ८) रात्री दहा वाजताच्या सुमारास घडली. याप्रकरणी अंबाझरी पोलिसांनी गुन्हा दाखल करून सहा जणांना अटक केली आहे.

सतीश चन्ने हा कुख्यात गुंड असून, तो मसराम टोळीचा सदस्य आहे. त्याच्यावर गंभीर स्वरुपाचे गुन्हे दाखल आहेत. त्याला मध्यवर्ती कारागृहात स्थानबद्ध करण्यात आले होते. त्याचे वस्तीतील एका तरुणीवर एकतर्फी प्रेम होते. त्यामुळे तो तरुणीला वारंवार त्रास देत होता. त्याच्या त्रासाला कंटाळून तरुणीने वस्तीत राहणारे महादेव डोकीरमारे, मयूर डोकीरमारे, पलाश चौधरी यांना सांगितले. त्यांनी यापूर्वी दोनदा सतीश चन्नेला समजून सांगण्याचा प्रयत्न केला. मात्र, तो वस्तीतील तरुणीला त्रस्त करीत होता.

मंगळवारी रात्री दहा वाजता आरोपी डोकीरमारे कुटुंबातील चौघे आणि पलाश चौधरी यांनी पांढराबोडी वस्तीत सतीश चन्नेला पकडले. त्याच्यावर सहा जणांनी सतीशला जबर मारहाण करून चाकूने (Attempted murder) भोसकले. यामध्ये तो गंभीर जखमी झाला. नागरिकांनी मदतीसाठी धाव घेतल्याने सतीश बचावला. पोलिसांनी घटनास्थळ गाठून सतीशला रुग्णालयात दाखल केले. त्याची प्रकृती चिंताजनक आहे. याप्रकरणी पोलिसांनी गुन्हे दाखल करून सहाही आरोपींना अटक (Six arrested) केली आहे.