चंद्रपूर : जंगलात तेंदूपत्ता संकलनासाठी गेलेल्या वृद्ध महिलेवर वाघाने हल्ला करून ठार केले. ही घटना शनिवारी सकाळी ८ वाजताच्या सुमारास ताडोबा अंधारी व्याघ्रप्रकल्पातील सीतारामपेठ जंगलात घडली. मृताचे नाव जाईबाई महादेव जेंगठे (वय ६५ रा. मोहुर्ली) असे आहे.
जाईबाई जेंगठे या शनिवारी सकाळी सीतारामपेठ जंगलातील कक्ष क्रमांक ९५६ परिसरात तेंदूपत्ता संकलनासाठी गेल्या होत्या. तेंदूपत्ता संकलित करीत असतानाच वाघाने त्यांच्यावर हल्ला केला. ही बाब सोबतच्या सहकाऱ्यांच्या लक्षात आली. वनविभागाला माहिती देण्यात आली. वनपरिक्षेत्र अधिकारी आर. जी. मून, क्षेत्रसहायक आर. एस. महातव, वनरक्षक एस. ए. मंगाम वनरक्षक, पी. एस. वायाळ, राठोड, मंदूलवार, देशमुख, मट्टामी यांनी घटनास्थळाला भेट देऊन पंचनामा केला. मृताच्या कुटुंबीयास तातडीने ५० हजारांची मदत देण्यात आली. या ठिकाणी वाघाची ओळख पटविण्याकरिता कॅमेरा ट्रॅप लावण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.