मिरची झाली तिखट; कच्चे आंबे आले बाजारात

नागपूर: अवेळी आलेल्या पावसामुळे मिरचीच्या पिकावर रोग आला आहे. त्यामुळे मिरचीच्या पिकांचे मोठ्या प्रमाणात नुकसान झाल्याने भावात विक्रमी वाढ झालेली आहे. येत्या काळात त्यात अजून भाव वाढ होण्याची शक्यता आहे. आज हिरवी मिरची ठोक बाजारात ७० रुपये किलो तर किरकोळ बाजारात १४० रुपये किलोने विकल्या जात आहे. उन्हाळ्याची चाहूल लागली असून कच्चे आंबे बाजारात येऊ लागले आहे. त्यामुळे भाव चढे आहे.

इतर भाजीचे भाव वाढलेल्या स्थितीत स्थिरावलेले आहेत. मिरचीची आवक कमी झाली असल्याने मागणी वाढली आणि भाव वधारले आहेत. भाजीपाल्याची आवक कमी झाल्याने भाजीचे भाव वाढलेल्या स्थितीत स्थिरावले आहेत. सर्वच भाज्यांचे भाव ठोक बाजारात २० ते ६० रुपये किलोवर पोचलेले आहेत. सामान्यांचे बजेट बिघडले आहे. ढेमसे आणि फणसाचे भाव आकाशाला भिडलेले आहेत असे ठोक भाजी विक्रेते राम महाजन यांनी सांगितले.

भाजीपाला ठोक भाव

• वांगे - १५ रुपये किलो

• फुलकोबी २० रुपये किलो

• पानकोबी - १५ रुपये किलो

• वाल -३० रुपये

• टोमॅटो - २० रुपये

• मेथी - २५ रुपये किलो

• कोथिंबीर- २० रुपये किलो

• शिमला मिरची - ५० रुपये किलो

• हिरवी मिरची ७० रुपये किलो

• पालक - १० रुपये किलो

• भेंडी - ५० रुपये किलो

• तोंडळे - ३० रुपये किलो

• कोहळे - २० रुपये किलो

• दुधी भोपळा - १५ रुपये किलो

• हिरवा वटाणा - ३० रुपये किलो

• मुळा - २० रुपये किलो

• काकडी - १५ रुपये किलो

• गाजर ः २० रुपये किलो

• ठेमस - ५० रुपये किलो

• कारले - ४० रुपये किलो