नागपूर : बांधकाम स्थळावरून केबल वायर चोरी करायची. त्याला वितळून तांब्याची तार वेगळा करायचा. नंतर त्याची विक्री करायची. अशी शक्कल लढवून केबल चोरी करणाऱ्या अट्टल चोरट्यांना पोलिसांनी अटक केली आहे. .योगेश ऊर्फ लकी रमेश शाहू (२७) रा. दसरा रोड महाल, रूपेश लक्ष्मण पिंपळधरे (४५) रा. मानेवाडा, शेखर नरेश नशीने (४३) आणि प्रफुल्ल नरेश नशीने (५३) दोन्ही रा. संजयनगर, पांढराबोडी अशी अटकेतील आरोपींची नावे आहेत. ही कारवाई गुन्हे शाखा युनिट क्रमांक ३ च्या पथकाने केली. विशेष म्हणजे चोरीचे तांबे खरेदी करणाऱ्या तीन भंगार व्यवसायिकांनाही अटक करण्यात आली आहे..लकी हा सराईत चोरटा असून त्याच्याविरुद्ध चोरीच्या अनेक गुन्ह्यांची नोंद आहे. लकीने लकडगंज ठाण्यांतर्गत गंगाबाई घाट चौकातील मंगेश वाघमारे यांच्या गोदामातून १८ ऑक्टोबर २०२४ रोजी २ लाख २५ हजार रुपये किंमतीचा वायर चोरी केला होता. वायर जाळून तांब्याची तार वेगळा केल्यानंतर लकी त्याची बाजारात विक्री करण्याच्या तयारीत होता..दरम्यान गुन्हे शाखा युनिट ३ च्या पथकाला याबाबत माहिती मिळाली. त्याला पकडण्यासाठी सापळा रचण्यात आला. सोमवारी अशोक चौकातून पोलिसांनी लकीला ताब्यात घेतले. चौकशीत त्याने लकडगंजच नाहीतर सोनेगाव, सदर आणि धंतोली ठाण्यांतर्गतही गुन्ह्याची कबुली दिली..चोरीच्या मालाबाबत विचारले असता लकीने वरील तिन्ही भंगार व्यावसायिकानी नावे सांगितले. हे सर्वजण लकीकडून चेारीचे तांबे खरेदी करीत होते. त्यामुळे पोलिसांनी त्या तिघांविरुद्धही गुन्हा नोंदवून त्यांना अटक केली. तसेच त्यांच्याकडून चोरीचा मालही जप्त करण्यात आला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
