नागपूर - सरकारी नोकरीचे आमिष दाखवित चंद्रपूर येथील दाम्पत्याने डझनभर बेरोजगारांना ९० लाख रुपयांनी गंडा घातला. शहरात दोन्ही आरोपींविरुद्ध दाखल झालेला हा दुसरा गुन्हा आहे. नंदनवन पोलिस या प्रकरणाचा तपास करत आहेत.
वामन भुलाराम डंभारे (वय ६०), त्यांची पत्नी कलावती (वय ५५, रा. तुकुम, चंद्रपूर) अशी आरोपींची नावे आहेत. वैशाली चंद्रभान वडुले (वय ३४, रा. माणगाव, रायगड) असे मुलीचे नाव आहे. पोलिसांनी दिलेल्या माहितीनुसार, वामन डंभारे हे डब्ल्यूसीएलच्या दुर्गापूर कार्यालयात ऑपरेटर म्हणून काम करत होते.
त्यावेळी, सुमारे तीन ते चार वर्षांपूर्वी, तिची भेट नागपूरच्या रमणा मारुती नगर येथील रहिवासी हेमंत रामचंद्र पाटील (वय ४७) याच्याशी झाली. वरिष्ठ अधिकाऱ्यांशी असलेल्या ओळखीचा हवाला देत, वामनने हेमंतला महाजेनकोमध्ये नोकरी मिळवून देण्याचे आश्वासन दिले आणि त्यासाठी काही पैसे खर्च करावे लागतील असे सांगितले.
फसवणूक झाल्याने हेमंतने वामनला ऑनलाइन आणि रोख स्वरूपात १३ लाख रुपये दिले. त्यानंतर हेमंतने हे त्याच्या नातेवाईकांना आणि मित्रांना सांगितले. नंतर, तिन्ही आरोपींनी नोकरीबद्दल वेगवेगळ्या गोष्टी सांगून त्यांना फसवण्याचा कट रचला. त्यानंतर त्यांच्यासह १२ युवकांकडून १ मार्च ते ३० ऑक्टोबर २०२२ दरम्यान, आरोपींनी ९० लाख रुपये घेतले.
दरम्यान लाखो रुपये देऊनही पीडितांना नोकरी मिळाली नसल्यने त्यांनी पैशासाठी तगादा लावण्यास सुरुवात केली. त्यामुळे दोघांनीही उमेदवारांना धनादेश दिला. मात्र, तो वटल्या न गेल्याने युवकांनी बेलतरोडी आणि आता नंदनवन पोलिस ठाण्यात तक्रार दाखल केली आहे. त्यातून पोलिसांनी गुन्हा दाखल केला असून तपास सुरू केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.