सबस्क्राईब करा
Nagpur Corona Update : कोरोनाचा नवा व्हेरियंट ‘जेएन १’ ने शहरासह जिल्ह्यात शिरकाव केला आहे. शुक्रवारी (ता.५) शहरात याचे १८ तर ग्रामीण भागात दोन असे २० बाधित आढळले. त्यामुळे आरोग्य यंत्रणेत खळबळ उडाली आहे. विशेष म्हणजे, या व्हेरियंटचा झपाट्याने प्रसार होत असतानाही प्रशासनाकडून कुठल्याही मार्गदर्शक सूचना देण्यात आलेल्या नाहीत.
संशयितांचे निरीच्या प्रयोगशाळेकडे ३८ नमुने जिनोम फ्रिक्वेंसिंगसाठी पाठविले होते. त्यापैकी शहरातील १८ जणांचे अहवाल सकारात्मक आले. ते मनपाच्या धरमपेठ, लक्ष्मीनगर, हनुमाननगर, धंतोली आणि नेहरूनगर झोनमधील आहेत.
शुक्रवारी सायंकाळपर्यंत जिल्ह्यात ५२ सक्रिय बाधित होते. त्यातील ४२ मनपाच्या हद्दीतील तर उर्वरित ११ बाधित ग्रामीण भागातील आहेत. त्यापैकी २० जणांना नव्या व्हेरियंटची लागण झाली होती. त्यातील फक्त ८ सक्रिय बाधित गृहविलगीकरणात उपचार घेत आहेत.
कोरानाच्या नव्या व्हेरियंटच्या बाधितांमध्ये झपाट्याने वाढ होत असून दोन दिवसात रुग्णांची संख्या ४० च्यावर झाल्याचे चित्र आहे. त्यामुळे नागरिकांनी काळजी घेणे आवश्‍यक आहे. मात्र, रुग्णांची संख्या वाढत असतानाही अनेक ठिकाणी गर्दी होताना दिसून येत आहे.
जिल्हा आरोग्य यंत्रणेने जेएन१ च्या शिरकावाला दुजोरा दिला असून निरीच्या प्रयोगशाळेने जिनोम फ्रिक्वेंसिंगमध्ये या २० जण सकारात्मक असल्याची माहिती दिली. समाधानाची बाब म्हणजे यापैकी १० जणांना सौम्य लक्षणे होती.
ते सुद्धा आता उपचाराने बरे होऊन विलगीकरणातून बाहेर पडले आहेत. सध्याच्या स्थितीत नव्या व्हेरियंटचे ८ सक्रिय रुग्ण गृहविलगीकरणात आहेत. त्यांनाही सौम्य लक्षणे असल्याचे आरोग्य विभागातील सूत्रांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.