Reduced vegetable arrivals at Nagpur's Mahatma Phule and Kalamna markets have kept prices high.
esakal
नागपूर, : एल-निनोच्या प्रभावामुळे पावसाने दडी मारल्याने भाजीपाल्याच्या उत्पादनावर परिणाम झाला आहे. परिणामी, महात्मा फुले आणि कळमना बाजारात भाजीपाल्याची आवक घटली असून सर्वच भाज्यांचे दर चढेच आहेत.
साधारणपणे दिवाळीनंतर भाजीपाल्याची आवक वाढल्याने दरात घसरण होते. मात्र, यंदा उत्पादनात घट झाल्याने ग्राहकांना महागाईचा सामना करावा लागत आहे. डिसेंबर महिन्यात आवक वाढल्यानंतरच भाजीपाल्याचे दर कमी होण्याची शक्यता व्यापाऱ्यांनी व्यक्त केली आहे.