Nagpur News : लाल चंदनाचा मोबदला म्हणून शेतकऱ्याला तूर्त ५० लाख

नागपूर : यवतमाळ जिल्ह्यातील खर्शी (ता. पुसद) गावातील शेतकरी केशव शिंदे यांना शंभर वर्षे जुन्या लाल चंदनाच्या डेरेदार वृक्षाचा मोबदला म्हणून मध्य रेल्वेतर्फे एक कोटी रूपयांची रक्कम मुंबई उच्च न्यायालयाच्या नागपूर खंडपीठात जमा करण्यात आली आहे. .तूर्त यातील ५० लाख रूपये बँकेतून काढण्याची परवानगी मुंबई उच्च न्यायालयाच्या नागपूर खंडपीठाने दिली. तसेच, शिंदे यांना पूर्ण मोबदला देण्याच्या दृष्टीने त्या वृक्षाचे मूल्यांकन करण्याचे आदेश नागपूर खंडपीठाने दिले आहे..वर्धा-यवतमाळ-नांदेड रेल्वे प्रकल्पासाठी ही शेत जमीन संपादित करण्यात आली असून मूल्यांकनानंतर उर्वरीत रक्कम शेतकऱ्याला मिळेल. या प्रकरणावर न्यायमूर्ती अविनाश घरोटे आणि न्यायमूर्ती अभय मंत्री यांच्या समक्ष सुनावणी झाली. याचिकेतून, ८ फेब्रुवारी २०१८ रोजी पारित केलेला मोबदला रद्द करावा आणि लाल चंदनाचे वृक्ष, इतर वृक्ष आणि जमिनीखालील पाइपलाइनच्या मूल्यांकनानुसार मोबदला देण्याचे आदेश राज्य सरकार आणि रेल्वे प्रशासनाला द्यावेत, अशी विनंती करण्यात आली आहे. .न्यायालयाने शेतकऱ्याला मोबदला म्हणून तूर्त एक कोटी रूपये देण्याचे आदेश गेल्या सुनावणीत दिले होते. त्यानुसार, एक कोटी रूपयांची रक्कम न्यायालयात जमा केल्याची माहिती रेल्वेने न्यायालयाला दिली. ही रक्कम शेतकऱ्याला देण्यापूर्वी या शंभर वर्षे जुन्या लाल चंदनाच्या वृक्षाचे मूल्यांकन करणे आवश्यक असल्याचे निरीक्षण न्यायालयाने नोंदविले. जेणेकरून मूल्यांकन कमी निघाल्यास या रकमेतून योग्य रक्कम याचिकाकर्त्याला देण्याचे निर्देश देता येतील. तसेच, मूल्यांकन जास्त आल्यास रेल्वे प्रशासनाला उर्वरित रक्कम जमा करण्याचे निर्देश दिले जातील, असेही उच्च न्यायालयाने आदेशात नमूद केले..मूल्यांकनाचा अहवाल भूसंपादन विभाग, यवतमाळचे जिल्हाधिकारी आणि मध्य रेल्वेचे उपविभागीय मुख्य कार्यकारी अभियंता यांना सादर करण्याचे आदेश न्यायालयाने दिले. न्यायालयाने प्रकरणाची पुढील सुनावणी ७ जुलै रोजी निश्चित केली. मध्य रेल्वेतर्फे ॲड. नीरजा चौबे यांनी बाजू मांडली..Maharashtra Wildlife : वाघांच्या मृत्यूत महाराष्ट्र आघाडीवर! शिकारी सक्रिय; तीन महिन्यांत १९ वाघांचा मृत्यू .रेल्वेतर्फे केवळ जमिनीचा मोबदलावर्धा-यवतमाळ-नांदेड रेल्वे प्रकल्पासाठी संपादित करण्यात आलेल्या जमिनीचा मोबदला देण्यात आला. परंतु ८ फेब्रुवारी २०१८ रोजी पुसदच्या जमीन संपादन अधिकाऱ्याने लाल चंदनाच्या वृक्षासह इतर झाडे आणि जमिनीखालील पाइपलाइनच्या मूल्यांकनानुसार मोबदला देण्याची याचिकाकर्त्याची मागणी फेटाळून लावली. त्यानंतर याचिकाकर्त्याने यवतमाळच्या जिल्हाधिकाऱ्यांकडेही अर्ज सादर केला. परंतु, मोबदला मिळाला नसल्याने याचिकाकर्त्यांने उच्च न्यायालयात याचिका दाखल केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.