नागपुरातील हिंगणा एमआयडीसीतील फर्निचर कंपनीला भीषण आग, परिसरात आग पसरण्याची भीती

नागपूर : नागपूरच्या हिंगणा एमआयडीसी परिसरातील फर्निचर तयार करणाऱ्या स्पेसवूड कंपनीमध्ये भीषण आग लागल्याची घटना घडली. याठिकाणी लाकडाचा मोठा साठा असल्याने आगीने रौद्र रूप धारण केले आहे. अग्निशमन दलाला पाचारण करण्यात आले असून आग विझविण्याचे शर्थीचे प्रयत्न सुरू आहेत.

हेही वाचा - नागपूरचा महापौर : दयाशंकर तिवारी यांना काँग्रेस देणार...

हिंगणा एमआयडीसी परिसरात स्पेसवूड ही कंपनी आहे. यामध्ये फर्निचर तयार करण्याचे काम केले जाते. आज अचानक या कंपनीत आग लागल्याने कामगारांची तारांबळ उडाली. लागलीच अग्निशमन दलाला पाचारण करण्यात आले असून आग विझविण्याचे काम सुरू आहे. अद्याप आगीचे कारण अस्पष्ट असून इतर कंपन्यांमध्ये आग पसरण्याची भीती निर्माण झाली आहे.