म्युकरमायकोसिसच्या काळातही रुग्णांकडे दुर्लक्ष, दोन दिवस रुग्ण सहन करत होता वेदना

नागपूर : शासकीय वैद्यकीय महाविद्यालयात (मेडिकल) (government medical college nagpur) दाखल असलेल्या बुरशीच्या (mucormycosis) रुग्णांना दातांशी संबंधित त्रास असल्यास तत्काळ शासकीय दंत रुग्णालयातील (government dental college and hospital nagpur) डॉक्टरांना तपासणीसाठी ‘कॉल’ जातो. दोन दिवसांपूर्वी कॉल दिल्यानंतरही शासकीय दंत रुग्णालयातील डॉक्टर मेडिकलच्या वॉर्ड क्रमांक १७ मधील त्या रुग्णाची तपासणी करण्यासाठी आला नसल्याची धक्कादायक माहिती पुढे आली. (government dental college doctor not attend patients of teeth related problem in nagpur)

यासंदर्भात अधिक माहिती घेतली असता, नियमबाह्य पद्धतीने शासकीय दंत रुग्णालयातील सेवा देण्याचे वेळापत्रक तयार केले असल्याचे उघड झाले. मेडिकलमध्ये दातदुखीच्या वेदना सहन करत असलेल्या त्या रुग्णाचे नाव राजेश अमृतकर असे आहे. वॉर्ड १७ मध्ये ते दाखल आहेत. म्युकरमायकोसिसच्या रुग्णांची गर्दी वाढत असताना शासकीय दंत रुग्णालयाच्या डॉक्टरांना मंगळवारी (ता.२५) दातांच्या तपासणीसाठी कॉल पाठवण्यात आला. मात्र डॉक्टर आले नाही, अशी तक्रार नातेवाइकांनी वैद्यकीय अधीक्षक डॉ. अविनाश गावंडे यांच्याकडे केली. डॉ. गावंडे यांनी संबंधित वॉर्ड प्रमुख असलेल्या डॉक्टरांशी संपर्क साधला आणि उपचार मिळवून देण्यासाठी सूचना केली. सूत्रांनी दिलेल्या माहितीनुसार विविध विभागांतील डॉक्टरांनी आपसात नियमबाह्यरीत्या नियोजन करत काही वेळ सकाळी अर्धवेळ सेवा देण्यासाठी येतात. तर काही डॉक्टर दुपारी सेवा देण्यासाठी येतात. हा प्रकार प्रशासनाला माहिती आहे. मात्र कोणताही प्रतिबंध करण्यात आला नाही. येथील निवासी डॉक्टर मात्र इमानेइतबारे सेवा देत आहेत.