साडेतीन महिन्यानंतर जिल्ह्यात सर्वाधिक रुग्णांची नोंद

गेल्या २४ तासांमध्ये जिल्ह्यात ४३ नव्या बाधितांची भर पडली
corona
coronaSakal

नागपूर - गेल्या दोन दिवसांत कोरोना चाचण्यांची संख्या दोन हजारांवर गेली असून नव्या बाधितांची संख्याही वाढला आहे. गेल्या २४ तासांमध्ये जिल्ह्यात ४३ नव्या बाधितांची भर पडली. बाधितांची जिल्ह्याबाहेर प्रवासाची पार्श्वभूमी नसल्याने प्रशासनाची धाकधुक वाढली आहे. बाधितांमध्ये शहरातील २९ जणांचा समावेश आहे.

कोरोनाची तिसरी लाट ओसरल्यानंतर आज जिल्ह्यात प्रथमच २४ तासांत ४३ बाधित आढळून आले. साडेतीन महिन्यानंतर चाळीसपेक्षा जास्त बाधित आढळून आले. २७ फेब्रुवारीला ५८ बाधित आढळले होते. त्यानंतर बाधितांचा आलेख सातत्याने कमी झाला. मार्च-एप्रिलमध्ये अनेक दिवस एकही बाधित आढळून आला नाही. मे मध्येही एक-दोन बाधित आढळून आले.

मनपा कर्मचऱ्यांचीही चाचणी

रुग्णवाढीमुळे संपर्कातील व्यक्तींची चाचणी करण्यावर महापालिकेने भर दिला आहे. महापालिकेतील कर्मचाऱ्यांनीही चाचणी केली असून आता घरोघरी चाचणी अभियान राबविण्यात येत आहे.

लक्षणांच्या कालावधीत घट

रुग्णांमधील लक्षणे तीन दिवसांत नाहीशी होत आहेत- यापूर्वीच्या लाटेत सात दिवस लक्षणे होती

संक्रमण तुलनेत कमी

पहिल्या तीन लाटांमध्ये बाधितांच्या संपर्कातील व्यक्तींना विषाणूचे संक्रमण मोठ्या प्रमाणात होते. परंतु सध्या कोरोनाग्रस्तांच्या संपर्कातील व्यक्तींमध्ये विषाणूचे संक्रमण आढळून येण्याचे प्रमाण कमी आहे.

बाधितांमध्ये प्रवासी कमी

मागील काही दिवसांमध्ये दिल्ली, मुंबईसह इतर ठिकाणी प्रवास करणाऱ्यांमध्ये विषाणूचे संक्रमण आढळत होते. परंतु शुक्रवारी आढळलेल्या एकूण ४३ रुग्णांपैकी निवडक रुग्ण सोडले तर इतर जिल्ह्याबाहेर गेले नव्हते.

सक्रिय रुग्ण शंभरावर

अनेक महिन्यानंतर काल, गुरुवारी एक हजारांवर नागरिकांनी चाचण्या केल्या. त्यापूर्वी चाचण्यांची संख्या हजाराच्या आत होती. आज दोन हजार ३२६ जणांनी चाचणी केली. यातील ४३ जण बाधित आढळून आले. त्यामुळे सक्रिय रुग्णांच्या संख्येतही वाढ झाली. काल, गुरुवारी सक्रीय रुग्णांची संख्या ६४ होती. आज ती १०२ पर्यंत पोहोचली. यापूर्वी ९ मार्चला ११२ सक्रीय रुग्ण होते. त्यानंतर सक्रीय रुग्णांची संख्या दोन अंकी होती. आज तीन महिन्यानंतर सक्रीय रुग्णांची संख्या पुन्हा तीन अंकावर गेली.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com