IndiGo Increases Fuel Surcharge on Domestic Flight Bookings
esakal
नागपूर: सणासुदीच्या काळात घरी येणाऱ्या नागपूरकर विमान प्रवाशांच्या खिशावर आता आणखी भार पडणार आहे. इंडिगोने आजपासून नव्या बुकिंगसाठी इंधन अधिभारात (फ्यूल चार्ज) वाढ केली आहे.
देशांतर्गत विमान प्रवासाच्या अंतरानुसार आता ३७५ ते १,३०० रुपयांपर्यंत अतिरिक्त शुल्क आकारले जाणार आहे. याचा परिणाम नागपूरहून दिल्ली, मुंबई, हैदराबाद, बंगळुरू आणि कोलकाता या प्रमुख मार्गांवर होणार आहे. विमानांमध्ये वापरल्या जाणाऱ्या एव्हिएशन टर्बाइन फ्युएल (एटीएफ)च्या वाढलेल्या किमतीमुळे परिचालन खर्च वाढल्याचे कारण इंडिगोने दिले आहे.
