नागपूर : दैवाने अवकृपा केली. कोणाचे चालणे एका पायावरचे..तर कोणाचा दुसरा पाय दिसतच नाही...कोणाला एकच हात तर कुणी सरळ उभे राहू शकत नाही, कोणाला कॅलिपरचा आधार लागतो, तर कोणी सेरेब्रल पाल्सीने ग्रस्त...हे सारे दिव्यांग तसेच आर्थिक दुर्बल घटकातील. या दिव्यांगांना शिकवण्यासाठी कुटुंबाजवळ पैसा नाही. तरीही ते डगमगले नाही. मनात जिद्द बाळगून होम फॉर एजेड ऍण्ड हॅन्डिकॅप्ड या अनाथालयात राहून दहा विद्यार्थ्यांनी यश मिळवले.