Nagpur Crime News: चाकूचा धाक दाखवून भाजी दुकानात धुडगूस ; कामठीत हप्त्यासाठी कामगाराला जीवे मारण्याची धमकी

कामठी: भाजीपाल्याच्या दुकानात जबरदस्तीने घुसून कामगाराला चाकूचा धाक दाखवत धुडगूस घालण्याचा आणि हप्त्याची मागणी करत जीवे मारण्याची धमकी देण्याचा धक्कादायक प्रकार जुनी कामठी पोलिस ठाण्याच्या हद्दीत घडला आहे. शनिवारी (ता. २०) दुपारी पावणेचारच्या सुमारास घडलेल्या या घटनेप्रकरणी आरोपी शारिक कुरेशी ऊर्फ आबू (वय ४०, रा. मदन चौक, कसाई मोहल्ला) याच्याविरुद्ध गुन्हा दाखल करण्यात आला आहे.