Maharashtra Vulture Conservation
नागपूर : महाराष्ट्रातील गिधाड संवर्धन मोहिमेला आणखी बळ मिळणार आहे. हरियानातील पिंजोर येथील जटायू संवर्धन प्रजनन केंद्रात जन्मलेल्या ३५ गिधाडांना लवकरच महाराष्ट्रात आणण्यात येणार आहे. यापूर्वी राज्यात ३४ गिधाडे आणण्यात आली होती. नव्याने आणण्यात येणाऱ्या गिधाडांमध्ये लांब चोचीची आणि पांढऱ्या पाठीची अशा दोन प्रजातींचा समावेश आहे. वन विभागाच्या सहकार्याने बॉम्बे नॅचरल हिस्टरी सोसायटी (बीएनएचएस) राज्यात गिधाड संवर्धन प्रकल्प राबवत आहे.
