नागपूर : बनावट कागदपत्राद्वारे जामीन घेणारे ८२ जण पोलिसांच्या रडारवर | Sakal
sakal

बोलून बातमी शोधा

Fraud

नागपूर : बनावट कागदपत्राद्वारे जामीन घेणारे ८२ जण पोलिसांच्या रडारवर

नागपूर : आरोपीला जामिन मिळवून देण्यासाठी बनावट कागदपत्र तयार करुन देणाऱ्या टोळीचा गुन्हे शाखेच्या युनिट दोनच्या पथकाने पर्दाफाश केला. या प्रकरणाची पाळेमुळे बरीच खोलवर असून त्या माध्यमातून जामीन मिळविणाऱ्या ८२ जणांची माहिती पोलिसांनी गोळा केली असून त्यांच्या अटकेची तयारी सुरू केली असल्याची माहिती सुत्रांनी दिली आहे.

सुनील मनोहर सोनकुसरे (वय ४५ रा.देशपांडे ले-आऊट, वर्धमाननगर), सतीश रामकुमार शाहू (वय ३२ रा.देशपांडे ले-आऊट, वर्धमाननगर), रवी सावरकर आणि आरती शाहू हे चौघेही न्यायालय परिसरात आरोपीला जामीन मिळावा बोगस आधारकार्ड, पासपोर्ट फोटो, सॉल्व्हन्सी प्रमाणपत्र, बनावट घर-कर पावत्या, एक कार, बनावट सरकारी शिक्क्यांच्या माध्यमातून चक्क न्यायालयासमोर एका व्हॅनमध्ये बसून अर्ध्या तासात प्रमाणपत्र तयार करुन देण्याचे काम करीत असत.

यासाठी न्यायालयीन प्रक्रियेतूनच आरोपी त्यांच्याकडे निश्‍चिंत होऊन येत असल्याचे दिसून येत होते. त्यामुळे या प्रकरणाची पाळेमुळे खोलवर असून त्याचा तपास गुन्हे शाखा करीत आहे. सुनील आणि सतीश यांच्या कॉल डिटेल्समधून संबंधित असलेले जमानतदार, आरोपी आणि त्यांच्या संपर्कातील विविध अशा ९० लोकांची माहिती मिळाली. त्यातून तपासात ८२ लोक जणांना जामीन मिळाला असून काही मोक्काचेही आरोपी असल्याची माहिती आहे.

त्यामुळे पोलिसांनी त्यांची ओळखही पटवली. आता त्यांच्याविरुद्ध सबळ पुरावे गोळा करून गुन्हे दाखल करण्यात येणार आहे. गुन्हे दाखल होताच त्यांचे अटकसत्र सुरू होतील. तसेच मोक्कातील आरोपीचा जामीन रद्द करण्याची प्रक्रियाही पोलिसांनी सुरू केली आहे.

Web Title: Nagpur 82 People Land Fake Documents Bail Crime Police

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top