Nagpur Education: सीबीएसई शाळा सुरू होणार ३ नोव्हेंबरला; उपसंचालकांच्या इशाऱ्यानंतर घेतला निर्णय

नागपूर : सीबीएसई शाळांनी १ नोव्हेंबरपर्यंत दिवाळीच्या सुट्या द्याव्यात अन्यथा कारवाई केली जाईल, असा इशारा विभागीय शिक्षण विभागाच्या उपसंचालक माधुरी सावरकर यांनी दिला आहे..त्यानुसार शाळांनीही आता ३ नोव्हेंबरपासून शाळा सुरू होणार असल्याचे संदेश पालकांना पाठविणे सुरू केले आहे. सीबीएसई शाळांना दिवाळी, ख्रिसमस तसेच उन्हाळी सुट्या देणे अनिवार्य आहे..दिवाळी सुट्यांचा कालावधी १८ ऑक्टोबर ते ३ नोव्हेंबर, ख्रिसमस २२ ते २५ डिसेंबर, तसेच उन्हाळी सुट्या नियमानुसार देणे अनिवार्य आहे. यासंदर्भात शिक्षण विभागाने १५ सप्टेंबरला परिपत्रक निर्गमित करण्यात आले होते..यानंतरही अनेक शाळांनी धनत्रयोदशी व नंतरही नियमित शाळा सुरू ठेवत केवळ २८ ऑक्टोबरपर्यंतच दिवाळी सुट्या जाहीर केल्या होत्या. या प्रकाराची गंभीर दखल घेत शिक्षण उपसंचालक माधुरी सावरकर यांनी १५ सप्टेंबरच्या परिपत्रकाचे काटेकोर पालन करावे, अन्यथा संबंधित शाळांविरुद्ध कारवाई केली जाईल, असा इशारा दिला आहे. २ नोव्हेंबरला रविवार आल्याने आता सर्वच सीबीएसई शाळा ३ नोव्हेंबरपासून सुरू होतील. परिपत्रकाची अवहेलना झाल्यास संबंधित शाळांवर कठोर कारवाई केली जाणार आहे..शाळांना १६ ते २७ ऑक्टोबरपर्यंत दिवाळी सुट्टी! विद्यार्थ्यांची प्रथम सत्र परीक्षा सुरू; २८ ऑक्टोबरपासून पुन्हा भरतील शाळा, यंदा उन्हाळा सुट्टी ‘इतके’ दिवस.अनेक शाळा अद्यापही ठामचशिक्षण उपसंचालकांनी ३ नोव्हेंबरपर्यंत सुट्या जाहीर केल्यावरही काही शाळांनी अद्यापही विद्यार्थ्यांना सुट्यांचे संदेश पाठविले नाही. अशा शाळांच्या विरोधात कारवाई करण्याची मागणी असोसिएशनच्या वतीने करण्यात आली आहे. दरम्यान, काही शाळांनी पालकांना तसे संदेश पाठविले असल्याची माहिती दिपाली डबली यांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.