नागपूर : गोरेवाडा जंगलात आग, प्राणी सुरक्षित | Sakal
sakal

बोलून बातमी शोधा

Nagpur fire at Gorewada forest animal safe fire brigade

नागपूर : गोरेवाडा जंगलात आग, प्राणी सुरक्षित

नागपूर : गोरेवाडा येथील जंगलामध्ये आज दुपारी एक वाजताच्या सुमारास आग लागली. आगीची माहिती मिळताच अग्निशमन विभागाने दोन बंब व चार टॅंकर घटनास्थळी पाठवले. आगीवर नियंत्रण मिळविण्यात आले असून सर्व प्राणी सुरक्षित असल्याचे अग्निशमन विभागातील अधिकाऱ्यांनी नमुद केले.

गोरेवाडा येथील जंगलात आग लागल्याने रविवारची सुटी साजरी करण्यासाठी पर्यटनाकरिता आलेल्या नागरिकांचा हिरमोड झाला. दुपारी एक वाजताच्या सुमारास जंगलातील गवताला आग लागली. यात काही झुडपंही जळाली.

आगीची माहिती मिळताच अग्निशमन विभागाने सुरुवातीला सिव्हिल लाईनमधील केंद्रातून एक बंब घटनास्थळी रवाना केला. आगीची तीव्रता बघता काही वेळा पुन्हा एक बंब पाठविण्यात आला. त्यानंतर चार टॅंकरही रवाना करण्यात आले. दुपारपर्यंत आगीवर नियंत्रण मिळविण्यात आले. परंतु उन्ह अधिक असल्याने व आग पुन्हा लागण्याच्या शक्यतेमुळे गंजीपेठ येथील अग्निशमन केंद्रातून आणखी एक बंब मागविण्यात आला. एक बंब जंगलामध्येच ठेवण्यात आला. या आगीत प्राण्यांना कुठलीही इजा झाली नसल्याचे अग्निशमन विभागातील अधिकाऱ्यांनी नमुद केले.

Web Title: Nagpur Fire At Gorewada Forest Animal Safe Fire Brigade

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top