Firefighters respond to multiple fire incidents across Nagpur during Diwali, with 42 emergency calls recorded within 24 hours.
esakal
नागपूर, : फटाक्यांच्या ठिणग्यांमुळे रविवारी शहरात आगडोंब उसळला. २४ तासांत शहरात ४२ ठिकाणी अग्निशमन विभागाला पाचारण करावे लागले. बहुतांश आगी कचरा आणि अन्य साहित्याने पेट घेतल्याने लागल्या.
अग्निशमन दलाच्या नोंदीनुसार, दिवाळीच्या दिवशी रविवारी (ता. ८) सकाळी ८ ते रात्री ८ या कालावधीत आगीच्या पाच घटनांची नोंद झाली. त्यानंतर रात्री ८ ते मध्यरात्री १२ या अवघ्या चार तासांत सर्वाधिक २४ कॉल आले. मध्यरात्री १२ ते सोमवार (ता. ९) रोजी सकाळी ८ या वेळेत आणखी १३ कॉल आले.
