Graduate voters cast their ballots across six districts in the Nagpur division during the graduate constituency election.
esakal
नागपूर: नागपूर विभाग पदवीधर मतदारसंघासाठी शुक्रवारी विभागातील सहा जिल्ह्यांमध्ये एकूण ६४.७६ टक्के इतके मतदान झाले. विभागातील दोन लाख ५५ हजार ६०३ मतदारांपैकी एक लाख ६५ हजार ५४१ मतदारांनी मतदानाच्या हक्क बजावला.
पदवीधरांनी एकूण ३८ उमेदवारांचे भाग्य मतपेटीत बंद केले. त्यांच्या भाग्याचा फैसला मंगळवारी (ता. २७) मतमोजणीनंतर होणार आहे. सर्वाधिक मतदान वर्धा जिल्ह्यात ६८.३७ टक्के झाले. या मतदारसंघात नागपूर, वर्धा, भंडारा, गोंदिया, चंद्रपूर व गडचिरोली या सहा जिल्ह्यात एकूण २ लाख ५५ हजार ६०३ मतदार आहेत. यामध्ये १ लाख ४७ हजार २८० पुरुष, १ लाख ८ हजार ३०१ महिला आणि २२ इतर मतदारांचा समावेश आहे. शुक्रवारी सकाळी ८ वाजतापासून मतदान सुरू झाले. प्रारंभी पदवीधरांचा निरुत्साह होता. त्यामुळेच सकाळी ८ ते १० यावेळेत केवळ ९.२० टक्के इतकेच मतदान झाले.
