'मंदिरातही' कार्यक्रमांना घ्यावी लागणार परवानगी | Sakal
sakal

बोलून बातमी शोधा

Loudspeakers controversy permission to temple Events

'मंदिरातही' कार्यक्रमांना घ्यावी लागणार परवानगी

नागपूर : राज ठाकरे यांच्या भोंगा आंदोलनामुळे यापुढे मंदिरांमध्येही धार्मिक कार्यक्रमासाठी परवानगी घेण्याचे निर्देश नागपूरचे पोलिस आयुक्त अमितेश कुमार यांनी दिले आहेत. शहरात कायदा व सुव्यवस्था राखण्यासाठी हा निर्णय घेण्यात आला असून आयुक्तांनी या संदर्भात मंदिरांचे विश्वस्त तसेच पुजाऱ्यांसोबत बैठक घेतली.

मनसेच्या इशाऱ्यामुळे पोलिस सतर्क झाले आहेत. शहरात कुठलाही राडा होऊ नये याकरिता खबरदारी घेतली जात आहे. कुठल्याही धार्मिक स्थळी घेण्यात येणाऱ्या कार्यक्रमांना परवानगी देताना, कायदा व सुव्यवस्थेचा प्रश्‍न निर्माण होणार नाही, याची काळजी घेण्याच्या सूचना आयुक्तांनी पोलिसांना दिल्या आहेत. कार्यक्रमाची माहिती वरिष्ठांनाही देण्याचे आदेश त्यांनी दिले आहे. विनापरवानगी कुठल्याही मंदिराजवळ राजकीय कार्यक्रम घेऊ नका असे आवाहन ट्रस्टी व पुजाऱ्यांना केले आहे.

१०० मनसैनिकांना नोटीस

पोलिसांनी शांतता राखण्यासाठी मनसेच्या पदाधिकाऱ्यांशीही चर्चा केली. तत्पूर्वी आंदोलनाचा इशारा दिल्याने शंभराहून अधिक कार्यकर्त्यांना नोटीस बजावण्यात आल्या आहेत.

Web Title: Nagpur Police Commissioner Meeting With Priests Trust For Temple Program

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top