Nagpur Pothole Crisis: खड्डे चुकवायचे की वाहन वाचवायचे? ; ओंकारनगर चौकात दुहेरी संकट; नागरिकांचा जीव मुठीत घेऊन प्रवास

नागपूर: आठ दिवसांपूर्वी खड्ड्यातून वाहन उसळल्याने एका तरुणीचा जागीच मृत्यू झाल्याची घटना ताजी असताना अद्यापही शहरातील रस्त्यावरील खड्ड्यांची समस्या अधिक गडद झाली आहे. उपराजधानीतील रस्त्यांवरील खड्ड्यांमुळे नागरिकांना जीव मुठीत घेऊन प्रवासा करावा लागतो. अपघाताचा धोका आणि वाहनांच्या देखभाल दुरुस्तीचा वाढलेला खर्च या दुहेरी संकटाचा सामना वाहनचालकांना करावा लागतो.