Nagpur Rain : अतिवृष्टीमुळे २० हजारांवर नागपूरकरांच्या घरात पाणी; प्रशासनाचा अहवाल, २३ कोटी भरपाईची मागणी

नागपूर : शहरात जुलै महिन्यात झालेल्या अतिवृष्टीमुळे २० हजार नागरिकांच्या घरात पाणी शिरले. त्यामुळे जवळपास सहाशे दुकानदारांचा समावेश असून यासाठी जिल्हा प्रशासनाकडून २३ कोटी रुपयांच्या मदतनिधीचा प्रस्ताव राज्य सरकारला पाठविण्यात आल्याची माहिती सूत्रांनी दिली आहे..शहरात गेल्या महिन्याच्या १९ आणि २० तारखेला दमदार पावसाने हजेरी लावली. यामुळे जवळपास संपूर्ण नागपूर जलमय झाले होते. विशेष म्हणजे, नागनदीच्या लगत असलेल्या सर्वच वस्त्यांमध्ये पाणी शिरले होते. त्यामुळे सर्वसामान्य जनजीवन विस्कळीत झाले. अनेकांच्या घरात पावसाचे पाणी शिरले. यामुळे घरातील साहित्याचे मोठे नुकसान झाले. अनेकांना रात्र-दिवस जागूनच काढावे लागले. त्यामुळे शहरात अतिवृष्टी जाहीर करीत, नागरिकांना नुकसानभरपाई देण्याची मागणी विविध राजकीय पक्षांसह संघटनांकडून करण्यात आली..त्यानंतर जिल्हा प्रशासनाने नुकसानाचे पंचनामे सुरू केले. जिल्हा प्रशासनाकडून २२ दिवस शहरातील विविध भागात झालेल्या नुकसानीचे सर्व्हेक्षण केले. या सर्व्हेक्षणात एक दोन नव्हे तर शहरातील तब्बल वीस हजार नागरिकांच्या घरात पावसाच्या पाण्यामुळे नुकसान झाल्याचे दिसून आहे. याशिवाय ६०० दुकान व जवळपास ३०० पानटपऱ्यांचे नुकसान झाले. यांना नुकसान भरपाई देण्यासाठी जवळपास २३ कोटींच्या मागणीचा प्रस्ताव शासनाकडे पाठविण्यात आल्याची माहिती सूत्रांकडून मिळाली. शासनाकडून मंजुरी मिळताच पात्र कुटुंबीयांना मदत देण्यात येणार असल्याचे सांगण्यात येते..Nagpur Rain Update : मॉन्सून पुन्हा एकदा विदर्भात नागपूर शहरात तासभर धुवाधार पाऊस .२१ जुलैची नोंदच नाहीशहरात १९ आणि २० शहरात झालेल्या पावसानंतर २१ जुलैलाही मोठ्या प्रमाणात पावसाने शहरात थैमान घातले. अग्निशमन विभागाने पाण्याचा निचरा करण्यासाठी रेस्क्यू ऑपरेशनही राबविले. मात्र, त्यानंतरही सर्व्हेक्षणात या दिवशी झालेल्या नुकसानीची दखल घेण्यात आलेली नसल्याचे दिसून येते. त्यामुळे या आकडेवारीवरही शंका निर्माण केली जात असून त्यात होण्याची शक्यता नाकारता येत नाही.अट शिथिल होणार का?केंद्राच्या निकषानुसार ४८ तास पाणी घरात राहिले तरच ही मदत देय आहे. मागील वर्षी सरकारने अट शिथिल करून मदत दिली होती. ती अट तीन महिन्यांची होती. यंदाही ती अट शिथिल करून मदत मिळेल काय? हा प्रश्न कायम आहे..Nagpur News : कंत्राटी वाहनचालकांचे पगार थकले; जिल्हा परिषदेच्या ग्रामीण पाणीपुरवठा विभागातील प्रकार.दहा हजाराची प्रती कुटुंब मदतप्रशासनाकडून वीस हजार घरांना प्रत्येकी दहा हजार रुपये देण्याचा निकष लावण्यात आला आहे. विशेष म्हणजे, मागीलवर्षी अंबाझरी ओव्हर फ्लो झाल्यावर त्याचे पाणी परिसरात शिरले. त्यावेळी परिसरातील हजारो घरे पाण्याखाली आली. त्यानंतर नागरिकांनी रोष व्यक्त केल्यावर सर्व्हेक्षण करीत, जास्तीत जास्त दहा हजार रुपये नुकसान भरपाई देण्यात आली. तोच निकष यावेळीही लावण्यात येत असल्याचे दिसत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.