नागपूर : गळा चिरून पत्नीचा खून | Sakal
sakal

बोलून बातमी शोधा

Nagpur wife Murder case husband killed her wife by knife

नागपूर : गळा चिरून पत्नीचा खून

नागपूर : लकडगंज पोलिस ठाण्याच्या हद्दीत असलेल्या जुनी मंगळवारी ढिवरपुरा येथे मुलाच्या लग्नाच्या कार्यक्रमासाठी घरी उपस्थित राहा हे सांगण्यासाठी गेलेल्या पत्नीचा गळ्यावर, पोटावर आणि चाकूने वार करत पतीनेच खून केला. ही घटना शनिवारी सकाळी सात वाजताच्या सुमारास घडली. त्यामुळे परिसरात खळबळ उडाली.

छाया रामदास बोरीकर (वय ५२, रा. जुनी मंगळवारी ) असे मृत पत्नीचे नाव असून रामदास बोरीकर (वय ६० रा. धीवरपुरा) असे आरोपीचे नाव आहे. पोलिसांनी दिलेल्या माहितीनुसार, कौटुंबिक वादातून छाया आणि रामदास हे २०१७ साली वेगवेगळे झाले होते. त्यांना सतीश आणि राकेश अशी दोन मुले आहेत. दोघेही आईसोबत वास्तव्यास राहत होते. रामदास हा वेळोवेळी छायाशी वाद घालायचा. अनेकदा त्याने भांडणही केले होते. ९ जूनला छायाचा मोठा मुलगा असलेला सतीश बोरीकर (वय ३२) याचे लग्न होते.

त्याच्या लग्नात पित्याने घरच्या सर्व कार्यक्रमात उपस्थित राहावे अशी कुटुंबातील सदस्यांची इच्छा होती. त्यामुळे रविवारपासून लग्नाच्या कार्यक्रमास सुरवात होत असल्याने त्यात उपस्थित राहावे हे सांगण्यासाठी शनिवारी सकाळी छाया बोरीकर परिसरात असलेल्या रामदासच्या घरी सकाळी साडेसहा वाजता गेल्या. यावेळी त्यांनी लग्न कार्यात सहभागी होण्यासाठी पतीला गळ घातली.

मात्र, यावर चिडून रामदासने छायाशी वाद घालण्यास सुरवात केली. वाद विकोपाला गेल्याने रामदासने रागाच्या भरात चाकूने छायाच्या गळ्यावर सपासप वार केले. ही घटना आजुबाजुच्यांना कळताच, त्यांनी पोलिसांना माहिती दिली. पोलिसांनी घटनास्थळी दाखल होत मृतदेह उत्तरीय तपासणीसाठी शासकीय रुग्णालयात पाठविला. पोलिसांनी रामदासला अटक केली व गुन्हा दाखल केला.

Web Title: Nagpur Wife Murder Case Husband Killed Her Wife By Knife

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top