नागपुरात आजपासून 'या'ठिकाणी Drive in vaccination, नितीन गडकरींनी केलं उद्घाटन

नागपूर : आज नागपुरात महानरपालिकेतर्फे करण्यात येणाऱ्या drive in vaccination चे केंद्रीय मंत्री नितीन गडकरी यांच्या हस्ते मुंजे चौकातील ग्लोकल मॉलमध्ये उद्घटान करण्यात आले. याठिकाणी ६० वर्षांवरील वयोगटातील नागरिकांचे लसीकरण करण्यात येणार आहे. यामुळे नागपूर कोरोनावर लवकरच मात करेन, असे केंद्रीय मंत्री नितीन गडकरी म्हणाले.

वर्ध्यातील कंपनीने गुरुवारी रेमडेव्हिरची पहिली खेप वितरीत केली. काही दिवसातच संपूर्ण महाराष्ट्रात रेमडेव्हिर पाठवणार. त्यासाठी मुख्यमंत्र्यांसोबत बोलणे देखील झाले आहे. रेमडेसिव्हिरची मोठ्या प्रमाणात उपलब्धतता असल्यामुळे आता ब्लॅक मार्केट होणार नाही. आता ऑक्सिजन आणि रेमडेसिव्हिरची चिंता मिटली असल्याचे गडकरी यावेळी म्हणाले. दरम्यान, कोरोना रुग्णांचे कधी फुफ्फुस, तर कधी डोळे निकामी होतात. त्यामुळे कोरोनानंतर होणाऱ्या काळ्या बुरशीकडे विशेष लक्ष देणे गरजेचे असल्याचेही गडकरी म्हणाले.

'या'ठिकाणी होणार ड्राईव्ह इन लसीकरण -

पालकमंत्री डॉ. नितीन राऊत ट्रिलियन मॉल, मेडिकल कॉलेज , रामबाग येथे दुपारी ३.३० वाजता सुरू करतील. महापौर दयाशंकर तिवारी आणि मनपा आयुक्त राधाकृष्णन बी दोन्ही ठिकाणी उपस्थित राहतील.