Nagpur Child : उपराजधानीत दरमहा १०० बालकांचा मृत्यू; ८ महिन्यांत दगावली ७९९ मुले, प्रशासकीय अनास्था कारणीभूत

नागपूर : योजना कितीही चांगली असली तरी योग्य अंमलबजावणी अभावी ती अपयशी ठरते. हिच स्थिती राष्ट्रीय आरोग्य अभियान योजनेची झाली आहे. बालमृत्यू कमी करण्यासाठी शासनाने वारेमाप योजनांचा सुरू केल्या..परंतु, उपराजधानीतील आकडेवारीवर नजर टाकल्यास कोवळी पानगळ वाढत असून, याकडे शासनाचे साफ दुर्लक्ष झाले असल्याच लक्षात येते. राज्याच्या उपराजधानीत एप्रिल ते नोव्हेंबर २०२४ या ८ महिन्यांत ० ते ५ वर्षांपर्यंतच्या ७९९ बालकांचा मृत्यू झाल्याची धक्कादायक माहिती पुढे आली आहे..जननी शिशूनंतरही मृत्यूदोन ऑक्टोबर २०११ रोजी ‘माता'' आणि ‘शिशू'' असे दोघांचेही जीव वाचवण्यासाठी राज्यशासनाने ‘जननी-शिशू सुरक्षा योजना'' घोषित केली. अंमलबजावणीही सुरू झाली. या योजनेतून गर्भवती माता प्रसूत झाल्यानंतर नवजात अर्भकाची ३० दिवस मोफत काळजी घेण्यात येते. याशिवाय मातेची ४२ दिवस काळजी घेतली जाते..गरोदरपणात तसेच प्रसूत झाल्यानंतर ४२ दिवस महिलेला एक रुपया खर्च येत नाही, हे विशेष. परंतु, यानंतरही नागपूर महानगरपालिकेच्या नोंदीत मेडिकल, मेयो, डागासह खासगीत ७९९ बालमृत्यूंची नोंद झाली आहे.आदिवासींमधील बालमृत्यू रोखणारी नवसंजीवनी योजना असो की राष्ट्रीय आरोग्य अभियान, जननी शिशू सुरक्षा योजनांना पाहिजे त्या प्रमाणात यश येत नसल्यामुळे या योजना अपयशी ठरण्यामागची कारणे शोधण्याची गरज आहे..परंतु, आरोग्य विभाग असो की, वैद्यकीय शिक्षण विभाग यांच्याकडून यावर चिंतन न करता योजना राबवण्यावर कोट्यवधींचा निधी सर्रास खर्च केला जातो. त्यानंतरही नऊ महिन्यात मेडिकल, मेयो, डागामध्ये ६८८ तर उपराजधानीतील खासगी रुग्णालयात १११ बालमृत्यू झाल्याचे विदारक वास्तव पुढे आले आहे..गर्भवती महिलांची प्रसूतीपूर्व आरोग्याकडे बारकाईने लक्ष देऊन या मृत्यूचे प्रमाण कमी करण्यासाठी राज्य शासन कोट्यवधी रुपये खर्च करीत आहे. विशेष असे की, सामाजिक सेवा संघटना, अंगणवाडीसेविकांकडून झोपडपट्टीत घरोघरी जाऊन गर्भवतींची नोंद करतात. त्यांना आयर्न व कॅल्शियमच्या गोळ्यांचा पुरवठा केला जातो. महिलांना पौष्टिक आहाराची पाकिटे पुरविली जातात. तरीदेखील मृत्यूचा आकडा केवळ तीळाप्रमाणे कमी होतो. थातूरमातूर उपाययोजनांनी आता भागणार नाही, प्रभावी आणि ठोस उपाययोजना शासकीय पातळीवरुन राबविल्या जाव्यात, अशी मागणी केली जात आहे..Truck Accident : टिप्परच्या धडकेत सासऱ्यासह जावयाने घटनास्थळीच सोडला जीव; यशोधरानगरात भीषण अपघात, चालकाला अटक.६८८ मृत्यू मेडिकल, मेयो, डागातील१११ बाळांनी खासगीत घेतला अखेरचा श्वासउपराजधानीत एप्रिल ते नोव्हेंबर या ८ महिन्याच्या कालावधीत २८ हजार ३०२ बाळ जन्माला आले. या तुलनेत नागपूर महानगरपालिकेच्या हद्दीतील केवळ २४८ बालकांचा मृत्यू झाला आहे. यावरून नागपुरातील बाळ जन्मांच्या तुलनेत बालमृत्यूत घट झाली. उर्वरित ५५१ बालमृत्यू हे नागपूरबाहेरचे असून हे मृत्यू मेडिकल, मेयोसह काही खासगीतील असून ते नागपूर शहराबाहेरचे आहेत, यात घट व्हावी.- डॉ दीपक सेलोकर, आरोग्य अधिकारी, नागपूर महानगरपालिका.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.