नागपूर : वातावरणातील बदलांमुळे सध्या आजारांचे प्रमाण वाढत आहे. हा काळ डेंगी, मलेरिया, चिकनगुनिया अशा कीटकजन्य आजारांसाठी पोषक असल्याने त्यांचा धोका वाढत आहे. महापालिका आरोग्य विभागाच्या 'ब्रिडिंग चेकर्स’द्वारे मनपाच्या दहाही झोनअंतर्गत जून ते जुलै २०२५ या महिन्यात २ लाख ८५ हजार २३६ घरांचे सर्वेक्षण करण्यात आले. यातील १२ हजार २१ घरामंध्ये लार्वा (डास अळ्या) आढळल्या, त्या वेळीच मनपा कर्मचाऱ्यांकडून नष्ट करण्यात आल्या.