नागपूर - नशामुक्त नागपूर करण्यासाठी पोलिस आयुक्तांनी ‘ऑपरेशन थंडर’ राबविण्यात येत आहे. या अभियानाच्या माध्यमातून पोलिसांकडून धडक कारवाई करण्यात येत आहे. यातूनच शनिवारी गुन्हेशाखेचे सर्व पथक आणि शहरातील सर्व पोलिस ठाण्यांच्या पथकांनी शहरातील रेकॉर्डवर असलेल्या १२३ ड्रग्ज तस्करांना बोलावून घेत, त्यांना चांगलाच दम दिला. यावेळी त्यांची माहिती घेऊन ती सिम्बा ॲपमध्ये नोंदविण्यात आली.