नागपूर - महाल परिसरात जमावाकडून दगडफेकीमध्ये पोलिसांना टारगेट केल्याचे दिसते. दहशत पसरविणाऱ्या जमावाला पांगविण्यासाठी मैदानात उतरलेले शहर पोलिस खात्यातील अतिरिक्त पोलिस आयुक्त डॉ. शिवाजी राठोड, पोलिस उपायुक्त निकेतन कदम, अर्चित चांडक आणि शशीकांत सातव यांच्यासह ३४ पोलिस जखमी झाले. त्यापैकी अनेकांवर रुग्णालयात उपचार सुरू आहेत.
महाल परिसरात हिरव्या रंगाची चादर जाळल्याचा व्हिडीओ व्हायरल झाल्याने आंदोलकांविरोधात गुन्हा नोंदवण्याची मागणी दुसऱ्या गटाने केली. त्यानंतर सायंकाळी जमावाने दगडफेक आणि गाड्याची तोडफोड आणि जाळपोळ सुरू केली. त्यांना हुसकावून लावण्यासाठी पोलिसांनी अश्रुधुराच्या नळकांड्या फोडत आणि लाठीजार्च केला.
तेव्हा अतिरिक्त पोलिस आयुक्त डॉ. शिवाजी राठोड यांना समोरून आलेला दगड लागला. त्यामुळे ते जखमी झाले. याशिवाय पोलिस उपायुक्त निकेतन कदम कोंबिंग ऑपरेशन करीत असताना, भालदारपुऱ्यात त्यांच्यावर एका युवकाने कुऱ्हाडीने हल्ला केला. तसेच वाहतूक पोलिस उपायुक्त अर्चित चांडक यांनाही दगड लागल्याने त्यांच्या लिगामेंटला दुखापत झाली आणि ते खाली पडले.
दुसरीकडे आर्थिक गुन्हे शाखेचे पोलिस उपायुक्त शशीकांत सातव यांच्या पायाचे हाड मोडले. याशिवाय सहायक पोलिस आयुक्त अनिता मोरे, मुख्यालयातील सहाय्यक पोलिस आयुक्त नरेंद्र धारे, तीन महिला पोलिस आणि इतर जवानांना दुखापत झाली. तिन्ही पोलिस उपायुक्तांवर खासगी रुग्णालयात उपचार सुरू असून इतर जखमींना मेयोत दाखल करून नंतर सुटी देण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.