Ganja Seized : पुष्पा स्टाईल शहरात गांजाची तस्करी; भंडारा महामार्गावर २६ लाखाचा गांजा जप्त

नागपूर - पारडी पोलिस ठाण्याच्या हद्दीतील भंडारा-हैदराबाद महामार्गावर ट्रकमधून गांजाची तस्करी करणाऱ्या दोघांना २६ लाख ७१ हजार एवढ्या किमतीच्या १०६ किलो ८५० ग्रॅम गांजासह गुन्हेशाखेच्या पथकाने अटक केली. विशेष म्हणजे, दोघांनीही पुष्पा स्टाईल ट्रकमध्ये वेगळा पत्रा टाकून त्यामध्ये गांजा लपविल्याचे आढळून आले. .ताज हबीब शेख मोहम्मद (वय-२७, रा. वाकी, सावनेर, नागपूर), शैलेंद्र रामलखन गुप्ता (वय-२८, रा. यादव नगर, यशोधरानगर) अशी अटक असलेल्या तस्करांची माहिती आहे. गुन्हेशाखेचे पोलिस उपायुक्त राहुल माकणीकर यांना परिसरातून गांजाची तस्करी होत असल्याची माहिती मिळाली होती..त्यांच्यासह साहाय्यक पोलिस आयुक्त अभिजित पाटील यांच्या मार्गदर्शनाखाली युनिट पाचचे वरिष्ठ पोलिस निरीक्षक संदीप बुआ यांच्या नेतृत्वातील पथकाने गस्तीवर असताना भंडारा-हैदराबाद महामार्गावर उमिया वसाहतीजवळ एम.एच ४० बी.जी ६०३४ क्रमांकाच्या ट्रकला थांबवून तपासणी केली..यावेळी ट्रकमध्ये भाजी ठेवलेले कॅरेट आढळून आले. दरम्यान पोलिसांनी कसून शोध घेतला असता, त्यांना त्याखाली एक वेगळाच पत्रा टाकून जागा करीत, त्यातून गांजाची तस्करी केल्याची बाब समोर आली. तो पत्रा ओढताच, त्यात २६ लाख ७१ हजार २५० रुपये किमतीचा १०६ किलो ८५० ग्रॅम गांजा आढळून आला. पोलिसांनी तो जप्त करीत, दोघांना अटक केली..त्यांनी हा गांजा मोहसीन ऊर्फ फिरोज (रा. यशोधरानगर), छोटू आणि वांगू यांच्या मालकीचा असल्याची माहिती पोलिसांना दिली. आरोपींकडून तीन मोबाईल, ट्रक आणि इतर साहित्य असा एकूण ४१ लाख ५८ हजार ४५० रुपयांचा मुद्देमाल जप्त केला आहे. या दोघांनाही यशोधरानगर पोलिसांच्या स्वाधीन करण्यात आले असून, इतर तिघांचा पोलिस शोध घेत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.