नागपूर : हिवाळ्यात, अनेक स्थलांतरित पक्षी नैसर्गिक अधिवासातून अधिक उष्ण प्रदेशाकडे स्थलांतर करतात. थंडीपासून संरक्षण, अन्न उपलब्धता आणि प्रजननासाठी हे पक्षी मध्यभारतात येतात. .स्थलांतर करणाऱ्या पक्ष्यांच्या प्रवासात नागपूर शहर एक महत्त्वाचा थांबा ठरत आहे. नुकतेच एका पक्षी निरीक्षकाला सोनेगाव विमानतळाजवळील आमराई परिसरात ‘ब्लू कॅप्ड रॉक थ्रश’(निळ्या टोपीचा कस्तूर) हा दुर्मीळ स्थलांतरित पक्षी दृष्टीस पडला. यापूर्वीही या पक्षाची नोंद सेमिनरी हिल परिसरात झाली होती..कस्तूर प्रामुख्याने उत्तर भारतातील हिमाचल प्रदेश, जम्मू काश्मीर आणि उत्तराखंड या राज्यांमध्ये आढळतो. हिवाळ्यात तो दक्षिणेकडील केरळ राज्यामध्ये स्थलांतर करतो. पक्षी तज्ज्ञांच्या माहितीनुसार, हा पक्षी केरळमधून हिमालयाकडे परतत असताना नागपुरात काही दिवस विसाव्यासाठी थांबला असावा..पक्षी निरीक्षकाने सांगितले की, आमराईच्या शांत आणि हिरव्यागार वातावरणात या सुंदर पक्ष्याला पाहणे एक अद्भूत अनुभव होता. त्यांनी या दुर्मीळ क्षणाला आपल्या कॅमेऱ्यात कैद केले. नागपूर शहराच्या आसपासची नैसर्गिक जागा स्थलांतरित पक्ष्यांसाठी आश्रयस्थान ठरत आहे. शहराच्या मधोमध असूनही आमराईसारख्या ठिकाणी विविध प्रजातींचे पक्षी काही काळ विश्रांतीसाठी येत असल्याचे यावरून स्पष्ट होते..Akash Missile System: लक्ष्यभेदी आकाशतीर.पक्षी निरीक्षकांनी नागरिकांना आवाहन केले आहे की, अशा पक्ष्यांच्या अधिवासाचे जतन करणे आवश्यक आहे,. जेणेकरून या नैसर्गिक सौंदर्याचा अनुभव घेता येईल. या दुर्मीळ पक्ष्यांच्या दर्शनाने शहरातील पक्षी निरीक्षकांच्या यादीत नवीन पक्ष्यांची नोंद झाली आहे. या भागातील जैवविविधतेचे महत्त्व पुन्हा एकदा अधोरेखित झाले आहे, असे पक्षी अभ्यासक विशाल अभ्यंकर यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
