Jewelry Theft : नवरदेव रिसेप्शनला, इकडे घर साफ; दागिन्यांसह अकरा लाखांची रोख लंपास

नागपूर : आदल्या दिवशी लग्न झाल्यावर रिसेप्शनसाठी गेलेल्या नवदेवाच्या घरातच चोरट्याने डल्ला मारून ११ लाख रुपये रोख रकमेसह सोन्या चांदीचे दागिने असा १६ लाख ७० हजाराचा ऐवज चोरून नेला..ही घटना हुडकेश्वर पोलिस ठाण्याच्या हद्दीतील मंगलदीपनगरात शनिवारी मध्यरात्री साडेबारा वाजताच्या सुमारास उघडकीस आली.याप्रकरणी अल्पेश बंडुजी ठाकरे (वय २८) यांनी दिलेल्या तक्रारीवरून पोलिसांनी चोरट्याविरोधात गुन्हा दाखल केला आहे..अल्पेश बंडुजी ठाकरे (वय २८) यांचा प्रॉपर्टी डिलींगचा व्यवसाय आहे. शुक्रवारी त्यांचे लग्न आटोपले. त्यानंतर शनिवारी घोगली येथील सभागृहात नातेवाइकांसह सायंकाळी साडेसात वाजता गेले. दरम्यान चोरट्याने घराच्या मागच्या बाजूने किचनकडील दार तोडून आत प्रवेश केला..त्याने घरातील कपाटामध्ये शेतीसाठी आणि लग्नकार्यासाठी ठेवलेले ११ लाख रुपये रोख आणि नवरीचे सोन्याचे दागिने असा १६ लाखाचा ऐवज चोरून पसार झाला..रिसेप्शन आटोपल्यावर पाहुण्यांसह अल्पेश घरी आल्यावर त्याला घरातील सामान अस्ताव्यस्त असल्याचे दिसून आले. त्याने कपाट तपासले असता, त्यातील रोख रक्कम आणि दागिने आढळून आले नाहीत. लग्नानंतर अशाप्रकारे घरातील पैसे आणि दागिने गेल्याने त्याला मोठा धक्का बसला. त्याने पोलिस ठाणे गाठून तक्रार नोंदविली. पोलिसांनी गुन्हा दाखल करीत, आरोपीचा शोध सुरू केला आहे..चोरट्यांवर अंकुश नाहीशहरात घरफोड्यांच्या हैदोस बराच वाढला आहे. गेल्या काही महिन्यात हजारांवर घरफोड्या समोर आल्या आहेत. त्यांच्यावर अंकुश ठेवण्यात पोलिसांना अपयश येत असल्याचे दिसून येत आहे. दररोज शहरात कुठे ना कुठे चोरी अथवा घरफोडीची घटना उघडकीस येत आहे..Ladki Bahin Yojana : चार लाख १२ हजारांवर लाडक्या बहिणींना मिळणार डिसेंबरचा हप्ता.अनेक ठिकाणी नाहीत सीसीटीव्हीशहरात स्मार्ट सिटी अंतर्गत साडेतीन हजारांवर सीसीटीव्ही कॅमेरे बसविण्यात आलेले आहेत. मात्र, हुडकेश्वर पोलिस ठाण्याच्या हद्दीतील अनेक भागात सीसीटीव्ही कॅमेरे नाहीत. याशिवाय नागरिकांनीही सीसीटीव्ही लावलेले नसल्याने चोरांचे फावत आहे. तसेच तपास करताना पोलिसांनाही त्रास होत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.