नागपूर : मनसे अध्यक्ष राज ठाकरे विदर्भाच्या दौऱ्यावर आले असताना त्यांनी फोडाफोडीच्या राजकारणाला ज्येष्ठ नेते शरद पवार हेच जबाबदार असल्याचा आरोप केला होता. त्याला आमदार रोहित पवार यांनी प्रत्युत्तर दिले. राज ठाकरे यांच्या भूमिका अनाकलनीय असतात. .ते कधी भाजपवर तर कधी शरद पवार यांच्यावर टीका करतात. त्यांनी आपली स्वतःची विश्वसनीयता गमावली आहे. त्यांनी भाजपपासून सावध राहावे, असा सल्ला त्यांना दिला. पवार यांनी आज केंद्रीय मंत्री नितीन गडकरी यांच्याशी भेट घेतल्यानंतर ते पत्रकारांसोबत बोलत होते. ते म्हणाले, ‘‘लोकसभेच्या निवडणुकीत राज ठाकरे यांनी पंतप्रधान मोदी यांना पाठिंबा दिला होता..त्यापूर्वीच्या निवडणुकीत त्यांनी भाजपच्या विरोधात राज्यभर भाषणे दिली होती. वारंवार भूमिका बदलत असल्याने त्यांनी विश्वासार्हता गमावली आहे. त्यामुळेच त्यांचा एकच आमदार निवडून आला. सध्या ते शरद पवार यांच्या विरोधात बोलत आहेत. यापूर्वी मोदी यांच्याही विरोधात ते बोलत होते,’’ याकडे रोहित पवार यांनी लक्ष वेधले..भाजप नेहमीच वेगवेगळ्या पक्षांचा वापर मतविभाजनसाठी करतो. राज ठाकरे यांच्या पक्षाचा वापर होऊ नये असे वाटते. तुम्ही मराठी अस्मिता, संविधान आणि महाराष्ट्र धर्मावर विश्वास ठेवणारे नेते आहात. त्यामुळे भाजप तुमचा फक्त मते खाण्यासाठी वापर करून घेईल, ते फक्त होऊ देऊ नका.- रोहित पवार, आमदार.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
.jpg?w=480&auto=format%2Ccompress&fit=max)
