MPSC-UPSC Competitive Exams
नागपूर : सकाळ माध्यम समूहाच्या सकाळ स्टडी रूमतर्फे “स्पर्धा परीक्षेची तयारी कशी करावी” या विषयावर विशेष मार्गदर्शन सत्र आज दि. २२ जानेवारी रोजी दुपारी २ ते ४ या वेळेत केडीके अभियांत्रिकी महाविद्यालय, नंदनवन, नागपूर येथे उत्साहात पार पडले. या मार्गदर्शन सत्राचे आयोजन केडीके अभियांत्रिकी महाविद्यालयाच्या पुढाकाराने करण्यात आले होते.
या कार्यक्रमात प्रमुख मार्गदर्शक म्हणून नागपूर येथील आयकर विभागाचे अतिरिक्त आयुक्त डॉ. वैभव ढेरे उपस्थित होते. त्यांनी विद्यार्थ्यांना स्पर्धा परीक्षांची तयारी करताना आवश्यक असलेले योग्य नियोजन, सातत्य, वेळेचे व्यवस्थापन, आत्मविश्वास आणि सकारात्मक दृष्टिकोन या महत्त्वाच्या बाबींवर सविस्तर मार्गदर्शन केले. विविध उदाहरणांच्या माध्यमातून विद्यार्थ्यांनी स्पर्धा परीक्षांमध्ये यश कसे संपादन करावे, याबाबत त्यांनी मोलाचे विचार मांडले.